பிக் பாஸ் 6ல் இவங்களா?.. திருமணமான கையோடு அங்க போறாங்களா? இது சரியா வருமா?

விஜய் டிவி பக்கா பிளான்

பிக் பாஸ் நிகழ்ச்சி விரைவில் தொடங்க உள்ளதால், அதற்காக செட் அமைக்கும் பணி,போட்டியாளர்கள் தேர்வு என அனைத்து வேலைகளையும் விஜய் டிவி பக்காவாக செய்து வருகிறது. கடந்த சீசனில் அறிமுகமே இல்லாதவர்கள் கலந்து கொண்டதால், சீசன் 5 நிகழ்ச்சிக்கு பொதுமக்கள் இடையே போதுமான வரவேற்பு கிடைக்கவில்லை.

சுவாரசியத்தை கூட்ட

இதனால், இந்த முறை போட்டியாளர்களை தேர்வு செய்வதில் பக்காவாக பிளான் போட்டு பிக் பாஸ் நிகழ்ச்சியில் சுவாரசியத்தை கூட்ட என்ன செய்ய வேண்டுமோ அதை சரியாக செய்து வருகிறது. இதுவரை இந்த நிகழ்ச்சியில் விஜய் டிவியின் ஆஸ்தான தொகுப்பாளினி டிடி, சூப்பர் சிங்கர் நிகழ்ச்சி மூலம் பிரபலமான ராஜலட்சுமி ஆகியோர் கிட்டத்தட்ட உறுதியாகி விட்டார்கள்.

சர்ச்சை நடிகை

அதேபோல் பாரதி கண்ணம்மா சீரியலில் நடித்து பிரபலமான ரோஷினி, ராஜா ராணி சீரியல் வில்லி அர்ச்சனா, தர்ஷா குப்தா, சிம்பு தன்னை காதலிப்பதாக கூறி சர்ச்சையில் சிக்கிய ஸ்ரீ நிதி மற்றும் நடிகை ஷில்பா மஞ்சுநாத், நடிகை மனிஷா யாதவ் ஆகியோரின் பெயர்கள் அடிபட்டு வருகிறது.

எகுறும் எதிர்பார்ப்பு

இந்நிலையில், அண்மையில் திருமணம் செய்து கொண்டு இணையத்தையே திணறவிட்ட தயாரிப்பாளர் ரவீந்தர் சந்திரசேகரன் மற்றும் மகாலட்சுமியும் ஜோடியாக பிக் பாஸ் சீசன் 6 நிகழ்ச்சியில் கலந்து கொள்ள இருப்பதாக தகவல் வெளியாகி உள்ளது. அதில், யூடியூப்ல மட்டும் பாத்தா எங்கள, விரைவில் டிவில பாருங்க. அதுவும் விஜய்டிவில பாருங்க என்று ஒரு பதிவு வைரலாகி உள்ளது. இதனால், இருவரும் பிக் பாஸ் நிகழ்ச்சியில் கலந்து கொள்ள போறாங்களா என கேட்டு வருகின்றனர்.

டிஸ்னி பிளஸ் ஸ்டாரிலும்

இந்த பிக்பாஸ் சீசன் 6ல் சுவாரசியத்திற்கு பஞ்சமே இல்லாமல், மிகவும் தாறுமாறாக இருக்க போகிறது.வழக்கம் போல சனி மற்றும் ஞாயிற்றுக் கிழமைகளில் வழக்கம்போல் அரை மணி நேரம் முன்னதாகவே 9.30 முதல் 11 மணி வரை ஒளிபரப்பாக போகிறது. ஏற்கனவே பிக்பாஸ் அல்டிமேட் நிகழ்ச்சியை போலவே பிக்பாஸ் சீசன் 6 நிகழ்ச்சியும் 24 மணி நேரமும் டிஸ்னி பிளஸ் ஸ்டாரிலும் ஒளிபரப்பாகிறது.