twitter
    For Quick Alerts
    ALLOW NOTIFICATIONS  
    For Daily Alerts

    பிரபல நடிகரும் பிரபாஸின் உறவினருமான கிருஷ்ணம் ராஜூ காலமானார்: சோகத்தில் தெலுங்கு திரையுலகம்!

    |

    ஐதராபாத்: பிரபல தெலுங்கு நடிகரும் முன்னாள் ஒன்றிய அமைச்சருமான கிருஷ்ணம் ராஜூ உடல்நலக்குறைவால் காலமானார். அவருக்கு வயது 82.

    ஐதராபாத் தனியார் மருத்துவமனையில் கடந்த 5ம் தேதி அனுமதிக்கப்பட்ட நிலையில் சிகிச்சை பலனின்றி இன்று உயிரிழந்தார்.

    தெலுங்கு சினிமாவின் ரெபல் ஸ்டார் என அழைக்கப்படும் கிருஷ்ணம் ராஜூ, 180க்கும் மேற்பட்ட திரைப்படங்களில் நடித்து புகழ் பெற்றவர்.

    ராஜூ வூட்ல பார்ட்டி.. சேட்டைக்கார பார்ட்டி.. விஜய் டிவியின் புதிய கலக்கல் நிகழ்ச்சி! ராஜூ வூட்ல பார்ட்டி.. சேட்டைக்கார பார்ட்டி.. விஜய் டிவியின் புதிய கலக்கல் நிகழ்ச்சி!

    பன்முகத்தன்மை கொண்ட கிருஷ்ணம் ராஜூ

    பன்முகத்தன்மை கொண்ட கிருஷ்ணம் ராஜூ

    தெலுங்கு சினிமா ரசிகர்களால் ரெபெல் ஸ்டார் என்று அழைக்கப்படுபவர் கிருஷ்ணம் ராஜூ. நடிகர், தயாரிப்பாளர், அரசியல்வாதி என பன்முகத்தன்மை கொண்ட கிருஷ்ணம் ராஜூ, இரண்டு முறை நாடாளுமன்ற உறுப்பினராகவும், மறைந்த பிரதமர் வாஜ்பாய் அரசில் அமைச்சராகவும் பதவி வகித்துள்ளார். நடிகராகவும் அரசியல்வாதியாகவும் தெலுங்கு மக்களால் அதிகம் கொண்டாடப்பட்ட ஒருவரில் முக்கியமானவர் கிருஷ்ணம் ராஜூ.

    டோலிவுட்டின் ரெபல் ஸ்டார்

    டோலிவுட்டின் ரெபல் ஸ்டார்

    1966ல் சிலக்கா கோரிங்கா (Chilaka Gorinka) என்ற படத்தின் மூலம், சினிமாவில் நடிகராக அடியெடுத்து வைத்தார் கிருஷ்ணம் ராஜூ. டோலிவுட் ரசிகர்கள் அவரை ரெபல் ஸ்டார் என கொண்டாடினர். நடிப்பிற்காக 5 ஃபில்ம் பேர் விருதுகள், 3 நந்தி விருதுகள் உள்ளிட்ட பல்வேறு விருதுகளையும் வென்றுள்ளார். இன்று பான் இந்தியா ஸ்டாராக வலம்வரும் பாகுபலி நாயகன் பிரபாஸின் உறவினர் என்பதும் குறிப்பிடத்தக்கது.

    அதிர்ச்சியில் தெலுங்கு திரையுலகம்

    அதிர்ச்சியில் தெலுங்கு திரையுலகம்

    கிருஷ்ணம் ராஜூ தமிழ்நாட்டில் ஆளுநராக நியமிக்கப்பட உள்ளதாக இரண்டு முறை தகவல்கள் வெளியாகின. ஆனால், அது சில காரணங்களால் நடக்கவில்லை என சொல்லப்படுகிறது. 82 வயதான அவர் வயது முதிர்ச்சியால் காலமானார். உடல்நலக்குறைவால் ஐதராபாத் தனியார் மருத்துவமனையில் அனுமதிக்கப்பட்ட நிலையில் சிகிச்சை பலனின்றி இன்று உயிரிழந்தார். இதனால் தெலுங்கு திரையுலகமே அதிர்ச்சியில் உறைந்துள்ளது.

    பிரபலங்கள், ரசிகர்கள் இரங்கல்

    பிரபலங்கள், ரசிகர்கள் இரங்கல்

    கிருஷ்ணம் ராஜூ மறைவுக்கு திரைப்படத்துறையினர் இரங்கல் தெரிவித்து வருகின்றனர். மேலும், தெலங்கானா முதலமைச்சர் சந்திரசேகர ராவ், ஆந்திர முதலமைச்சர் ஜெகன் மோகன் ரெட்டி, அரசியல் கட்சித் தலைவர்கள், சினிமா பிரபலங்கள் உள்ளிட்ட பலர் இரங்கல் தெரிவித்து வருகின்றனர். அதேபோல், தெலுங்கு சினிமா ரசிகர்களும் ரெபல் ஸ்டார் கிருஷ்ணம் ராஜூவுக்கு இரங்கல் தெரிவித்து வருகின்றனர். கிருஷ்ணம் ராஜூவின் இறுதி ஊர்வலம் நாளை (செப் 12) நடைபெறும் என சொல்லப்படுகிறது.

    English summary
    Megastar Prabhas’ uncle, Tollywood’s Rebel star Krishnam Raju has passed away at the age of 83. He breathed his last in the early hours on Sunday at 3.25 am in Hyderabad. The last rights of the late actor will be performed tomorrow.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X