Don't Miss!
- Automobiles இதுல ஒரு பெயரைதான் வைக்க போறாங்களா... அப்ப இதுக்காவே காரை வாங்கலாம்... அப்படி என்ன பெயர் தெரியுமா?
- News விவிபேட் ஒப்புகை சீட்டுகளை எண்ண கோரிய வழக்கு.. நாளை வரும் இடைக்கால உத்தரவு! இது ஏன் முக்கியம்?
- Finance இந்தியா சிமெண்ட்ஸ் தொழிற்சாலையை வாங்கிய அல்ட்ராடெக் சிமெண்ட்.. அதானி உடன் போட்டி..!!
- Sports தோனிக்கு ஒரு பந்துதான்.. சோலியை முடித்த துபே - ருது.. சிஎஸ்கே பேட்டிங்கை கண்டு கலங்கிய லக்னோ
- Lifestyle மணமணக்கும்.. ருசியான... கையேந்தி பவன் பரோட்டா சால்னாவை எப்படி செய்யணும் தெரியுமா?
- Technology வெறும் 2000 ரூபாயில்.. புது Xiaomi கையடக்க கார்மெண்ட் Steamer.. பழைய ஐயன் பாக்ஸை தூக்கி போடுங்க..என்ன ஸ்பெஷல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
365 "சுந்தரி"களுடன் சுந்தர் ராமு!
சென்னை: சுந்தர் ராமுவை நினைவிருக்கிறதா.. மறந்து விட்டீர்களா.. அப்படியே ரீவைண்ட் போங்கள்.. மயக்கம் என்ன, 3 படத்தில் நடித்தாரே.. அவரேதான். இப்போது அவர் என்ன செய்து கொண்டிருக்கிறார் என்று தெரியுமா.. வேறென்ன டேட்டிங்கில் படு பிசியாக இருக்கிறாராம் மனிதர்.
டேட்டிங் என்றதும் தப்புக் கணக்கு போட்டு விடாதீர்கள். இது போட்டோ எடுப்பதற்கான டேட்டிங். ஆனால் மனிதர் அதிலும் ஒரு சாதனையை நோக்கி ஓடிக் கொண்டிருக்கிறாராம்.
அதாவது இந்த வருடத்தின் 365 நாட்களில் 365 பேருடன் புகைப்படங்களுக்காக செலவிடத் திட்டமிட்டுள்ளாராம். இது சாத்தியமா என்று கேட்கலாம். ஆனால் மனிதர் போகிற வேகத்தைப் பார்த்தால் சாத்தியமாகி விடும் போலத்தான் தெரிகிறது.
பன்முகம்...
நாடக நடிகர், புகைப்படக் கலைஞர், பேஷன் போட்டோகிராபர், சினிமா நடிகர் என பல முகம் கொண்டவர் சுந்தர் ராமு.
நடிப்பு...
இயக்குநர் செல்வராகவனிடம் இவர் நட்பு கொள்ள அது இவரை சினிமாவிற்கும் கொண்டு வந்தது. மயக்கம் என்ன, 3 என இரு படங்களில் இவரது நடிப்பும் பேசப்பட்டது.
புகைப்படக் கலைஞர்...
நான் சிகப்பு மனிதன் படத்தில்தான் கடைசியாக நடித்தார். அதன் பின்னர் முழு நேரத்தையும் தற்போது புகைப்படங்களுக்காக செலவிட்டு வருகிறார்.
கிசுகிசு...
இடையில் மயக்கம் என்ன பட நாயகி ரிச்சா கங்கோபாத்யாவுடன் கிசுகிசு, ஆண்ட்ரியாவுடன் கிசு கிசு என சிக்கினார். ஆனால் இரண்டையும் அவர்கள் மறுத்தனர்.
பெண்கள் மட்டும்...
இப்போது விதம் விதமான புகைப்படங்களையும், ஆல்பங்களையும் தயாரித்து வருகிறார். இதற்காக பெண்களை மட்டும் கான்செப்ட்டாக எடுத்துக் கொண்டு படு பிசியாக ஓடிக் கொண்டிருக்கிறாராம்.
இலக்கு...
இந்த ஆண்டில் 365 பேருடன் பணியாற்றப் போவதாக சபதம் எடுத்த அவர் அந்த இலக்கை நோக்கி விரைவாக போய்க் கொண்டிருக்கிறார். இதனால் இவரை சக கலைஞர்கள் சரியான பெண் பித்தரா இருப்பார் போலயே என்று கிண்டலடித்து வருகின்றனராம்.
110 பெண்கள்...
இதுவரை 110 பெண்களுடன் இணைந்து பணியாற்றி விட்டாராம் சுந்தர் ராமு. இதுவரை அவர் இணைந்து பணியாற்றிய பெண்களில் மிகவும் இளம் வயதுக்காரர் 21 வயதுப் பெண்ணாம். அதிக வயதானவர் 105 வயது பாட்டியாம்.
கேமரா பார்வை...
தனது டார்க்கெட்டை பூர்த்தி செய்வதற்காக காலில் சக்கரம் கட்டாத குறையாக ஓடிக் கொண்டிருக்கிறாராம் சுந்தர் ராமு. தான் சந்திக்கும் பெண்களையெல்லாம் தனது இலக்குக்கு சரிப்பட்டு வருவாரா என்று கேமரா பார்வைப் பார்க்கவும் தவறுவதில்லையாம்.
இன்னும் என்னென்ன கிசுகிசுக்கள் வரப் போகிறதோ.