2 ஸ்டேட்ஸ்.... அலியாவின் அம்மாவாக ரேவதியின் இந்தி ‘மறு பிரவேசம்’

Published: Thursday, August 22, 2013, 12:19 [IST]

மும்பை: நடிகையும், இயக்குநருமான ரேவதி மீண்டும் இந்திப் படங்களுக்குத் நடிக்கத் திரும்பியுள்ளார். 2 ஸ்டேட்ஸ் என்று பெயரிடப்பட்டுள்ள படத்தில் அவர் முக்கியப் பாத்திரத்தில் நடித்து வருகிறாராம்.

ஏற்கனவே இந்தியில் படம் இயக்கிய அனுபவம் உள்ளவர் ரேவதி. இந்த நிலையில் சமீபகாலமாக அவர் இந்திப் பக்கமே போகாமல் இருந்தார்.

ஆனால் தற்போது மீண்டும் இந்திக்கு அவர் வந்துள்ளார். 2 ஸ்டேட்ஸ் படத்தில் அவர் தமிழ்ப் பெண் வேடத்தில் முக்கியப் பாத்திரத்தில் நடித்துள்ளாராம்.

சேத்தன் பகத்தின் நூல்

2 ஸ்டேட்ஸ் என்பது பிரபல எழுத்தாளர் சேத்தன் பகத் எழுதிய நூலாகும். சிறந்த விற்பனையைக் கண்ட இந்த நூலைத் தழுவித்தான் தற்போது இந்த புதிய இந்திப் படம் உருவாகிறதாம்.

பஞ்சாபிப் பையன்.. தமிழ்ப் பொண்ணு

இதில் பஞ்சாபி்ப் பையன் ஒருவனுக்கும், தமிழ்ப் பெண்ணுக்கும் இடையே பூக்கும் காதல் குறித்த கதையாம். இதனால் ஏற்படும் வன்முறை, மோதல் குறித்து கதை போகிறதாம்.