முத்தக் காட்சியை தூக்காத விஷால்... யுஏவில் பிடிவாதமாக நின்ற ரிவைசிங் கமிட்டி!

முத்தக் காட்சி

இந்த படத்தில் உதட்டோடு உதடு சேர்த்து முத்த காட்சியில் நடித்துள்ளதால் தணிக்கை குழு ‘யு ஏ' சான்றிதழ் அளித்தது. முத்த காட்சியை நீக்கினால் யு சான்றிதழ் தருவதாகக் கூறியது. ஆனால் படக் குழுவினர் ஏற்கவில்லை.

மறு தணிக்கை

இதையடுத்து நான் சிகப்பு மனிதன் படம் மறு தணிக்கைக்கு அனுப்பப்பட்டது. படத்தைப் பார்த்த மறுதணிக்கை குழுவினர் படத்தில் குறிப்பிட்ட சில காட்சிகளை நீக்கினால்தான் யு சான்றிதழ் வழங்க முடியும். இல்லையென்றால் யுஏ சான்றிதழ்தான் வழங்கப்படும் என்று கூறினர்.

விஷால் மறுப்பு

ஆனால், படக்குழுவினரோ தணிக்கை குழு நீக்கச்சொல்லும் காட்சிகளை நீக்கினால் படத்தின் திரைக்கதை பாதிக்கும் என்று கூறி அக் காட்சிகளை நீக்க மறுத்துவிட்டனர். இதையடுத்து தணிக்கை குழுவினர் ‘நான் சிகப்பு மனிதன்' படத்திற்கு யுஏ சான்றிதழ் வழங்குவதாக அறிவித்தனர்.

முத்தக்காட்சி நிச்சயம்

எனவே இந்தப் படத்தில் விஷால் - லட்சுமி மேனனின் முத்தக் காட்சிகள், தண்ணீருக்குள் ரொமான்ஸ் செய்யும் நெருக்கமான காட்சிகள் எல்லாமே அப்படியே இருக்கும் என்பது ரசிகர்களுக்கு குஜாலான செய்திதானே!