தலைவா - யுஏவை நீக்குமா ரிவைசிங் கமிட்டி?

விஜய் நடித்த தலைவா படத்தின் தணிக்கைச் சான்றிதழை மறுபரிசீலனை செய்ய, இன்று ரிவைசிங் கமிட்டிக்கு படத்தைப் போட்டுக் காட்டிகிறார்கள்.

யுஏ சான்றிதழை மறுபரீசீலனை செய்வார்களா இல்லையா என்பது இன்று மாலைக்குள் தெரிந்துவிடும்.

விஜய் இயக்கத்தில் விஜய் நடித்துள்ள தலைவா படம் வரும் ஆகஸ்ட் 9-ம் தேதி வெளியாகிறது.

படத்தை தணிக்கைக் குழுவுக்குப் போட்டுக் காட்டிய போது யுஏ சான்றிதழ் கொடுத்துவிட்டனர். இதனால் படத்துக்கு கேளிக்கை வரி விலக்குப் பெறுவது சாத்தியமில்லாமல் போய்விட்டது.

வரிவிலக்கு பெற அனைவரும் பார்க்கத்தக்கது என யு சான்று பெற வேண்டும். எனவே தலைவாவுக்கு வழங்கப்பட்ட சான்றிதழை எதிர்த்து ரிவைசிங் கமிட்டிக்கு கொண்டு போயுள்ளார் தயாரிப்பாளர்.

இன்று ஹைதராபாதில் ரிவைசிங் கமிட்டி தலைவா படத்தைப் பார்க்கிறது. யு சான்றிதழ் கிடைக்குமா தலைவாவுக்கு என்பது இன்று மாலைக்குள் தெரிந்துவிடும்.