ரம்யாவ எதுக்கு அலேக்கா தூக்குன.. பிக்பாஸ் வீட்டுக்குள் ரியோவை வச்சு வாங்கிய ஸ்ருதி.. அடுத்த புரமோ!

அரசல்புரசல் ஹின்ட்

இதனை தொடர்ந்து இன்றைய முதல் புரமோ வெளியானது. அதில் ரம்யாவின் அம்மாவும் அவரது சகோதரரும் பிக்பாஸ் வீட்டுக்குள் வந்தது காட்டப்பட்டது. அப்போது பேசிய அவரது சகோதரர் இந்த வாரம் நீ வெளியே வந்தாலும் அதற்கு காரணம் நீ இல்லை என்று அரசல் புரசலாக ஹின்ட் கொடுத்தார்.

உள்ளே வந்த ஸ்ருதி

இந்நிலையில் இன்றைய நிகழ்ச்சியின் இரண்டாவது புரமோ வெளியாகியுள்ளது. இதில் ரியோவின் மனைவி ஸ்ருதி பிக்பாஸ் வீட்டிற்குள் வந்துள்ளார். ஃபிரீஸ் டாஸ்க்கின் போது ரியோ கார்டன் ஏரியாவில் ஃபிரீஸ் ஆகி நிற்க, மெயின் டோர் வழியாக உள்ளே வந்தார் ஸ்ருதி.

மன்னிப்பு கேட்ட ரியோ

மனைவியை பார்த்ததும் கதறியப்படியே ஓடிப்போய் அவரை கட்டியணைத்துக் கொண்டார். மேலும் சாரி சாரி என்றும் கூறி மன்னிப்பு கேட்டார் ரியோ. அதனைக் கேட்ட ஸ்ருதி, ஏன் மன்னிப்புலாம் கேட்கிறீங்க என்று கண்ணீர் விடுகிறார்.

ஏன் ரம்யாவ தூக்குன?

தொடர்ந்து ஹவுஸ்மேட்ஸிடம் பேசுக்கின்றனர் ஸ்ருதியும் ரியோவும். அப்போது பேசும் ஸ்ருதி, உன் நண்பர்களின் கடுப்பு என்று, நீ ஒரு எபிசோட்ல ரம்யாவை அலேக்காய் தூக்கினீயாமே என்று கேட்டார்.

செல்லமாக அடித்து..

அதற்கு பதில் சொல்லும் ரியோ அது நண்பர்களின் கடுப்பு மாதிரி தெரியலையே என்று கூறி சிரிக்கிறார். அதனைக் கேட்டு ஸ்ருதி செல்லமாக அவரை அடிக்க மொத்த ஹவுஸ்மேட்ஸும் சிரிக்கின்றனர். இப்படியாக உள்ளது இன்றைய இரண்டாவது புரமோ.