நடிகை ஜெனிலியாவின் குழந்தைக்கு பெயர் வச்சாச்சு: ரியான் ரித்தேஷ் தேஷ்முக்

மும்பை: நடிகை ஜெனிலியா, நடிகர் ரித்தேஷ் தேஷ்முக் தங்களின் குழந்தைக்கு ரியான் என்று பெயர் வைத்துள்ளனர்.

ஷங்கரின் பாய்ஸ் படம் மூலம் கோலிவுட் வந்தவர் ஜெனிலியா டிசோசா. அவர் பாலிவுட் நடிகர் ரித்தேஷ் தேஷ்முக்கை பல ஆண்டு காலமாக காதலித்து வந்தார். பின்னர் அவரை கடந்த 2012ம் ஆண்டு திருமணம் செய்து கொண்டார்.

மும்பையில் கணவருடன் வசித்து வரும் அவர் கடந்த 25ம் தேதி அழகிய ஆண் குழந்தையை பெற்றெடுத்தார். அந்த குழந்தைக்கு பெயர் வைக்கும் விழா சனிக்கிழமை மும்பையில் நடைபெற்றது.

குழந்தைக்கு ரியான் ரித்தேஷ் தேஷ்முக் என்று பெயர் வைத்துள்ளனர்.

இது குறித்து ஜெனிலியா மற்றும் ரித்தேஷ் ட்விட்டரில் கூறியிருப்பதாவது,

ஜெனிலியா- எங்கள் மகன் ரியான் ரித்தேஷ் தேஷ்முக்.

ரித்தேஷ்- ரியான், தேஷ்முக் குடும்பத்தின் இளம் வாரிசு என்று தெரிவித்துள்ளனர்.