Don't Miss!
- News "ஐயோ பாவம்!" அண்ணாமலை, தமிழிசை.. தனது ஸ்டைலில் ஆளுக்கு ஒரு சொலவடை சொல்லி கலாய்த்த துரைமுருகன்!
- Finance புதிய துறையில் அடியெடுத்து வைத்த கௌதம் அதானி.. இதுவும் குஜராத்துக்கு தான்..!!
- Sports அவங்க 2 பேரும் பேசிட்டு இருந்தாங்க.. நான் குடுகுடுனு பேட்டிங் இறங்கிட்டேன்.. அஸ்வினால் ஷாக்கான RR
- Lifestyle 150 ஆண்டுகளுக்கு முன்னாடியே இந்தியாவின் முதல் செல்பியை தனது மனைவியுடன் எடுத்தது இந்த ராஜாதானாம்..போட்டோ உள்ளே!
- Automobiles இந்தியாவே இந்த ஸ்கோடா காருக்காக தான் வெயிட்டிங்! விலையை கேட்டா ஆச்சரியப்படுவீங்க!
- Technology வாவ்.. சும்மா அள்ளுது.. 6000எம்ஏஎச் பேட்டரி.. 50எம்பி கேமரா.. 128ஜிபி மெமரி.. எந்த மாடல்?
- Education சென்னையின் பெருமைமிகு கல்லூரிகளில் ஒன்றாகத் திகழும் டி.ஜி.வைஷ்ணவ் கல்லூரி...!!
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
ஆர்ஜே பாலாஜி செய்த உதவி - மனிதநேயத்தைப் பாராட்டிய இயக்குநர்!
சென்னை : நடிகரும், தொகுப்பாளருமான ஆர்.ஜே.பாலாஜி தர்மபுரி பகுதியைச் சேர்ந்த ஒருவருக்கு செயற்கை கை பொருத்துவதற்கு உதவி செய்துள்ளார். இந்தத் தகவலை 'குக்கூ', 'ஜோக்கர்' ஆகிய படங்களின் இயக்குநர் ராஜு முருகன் தனது ஃபேஸ்புக் பக்கத்தில் வெளியிட்டுள்ளார்.
இது குறித்த பதிவொன்றை தனது ஃபேஸ்புக் பக்கத்தில் இயக்குநர் ராஜு முருகன் சற்று முன்பு பதிவு செய்திருக்கிறார். அந்தப் பதிவில் ஆர்ஜே பாலாஜிக்கு நன்றி தெரிவித்துள்ளார் ராஜு முருகன். அவர் எழுதிய பதிவு கீழே...
"தர்மபுரி பகுதியைச் சேர்ந்த பூஜா என்ற பெண்ணின் தம்பிக்கு சமீபத்தில் நடந்த விபத்து ஒன்றில் ஒரு கை போய்விட்டது. 'உடனடியாக செயற்கை கை பொருத்த வேண்டும்... அதற்கு 2 லட்சத்துக்கு மேல் செலவாகும்' என மருத்துவர்கள் சொல்லிவிட்டார்கள். எளிய குடும்பமான அவர்களுக்கு இது இயலாத தொகை.
'ஜோக்கர்' நேரத்தில் அறிமுகமாகியிருந்த பூஜா எனக்கு தொலைபேசியில் இதை தெரிவித்தார். நான் இதை ஒரு தகவலாக ஆர்.ஜே. பாலாஜியிடம் சொன்னேன். உடனடியாக அவரும் அவரது நண்பர்களும் சேர்ந்து செயற்கை கை வைப்பதற்கான ஏற்பாடுகளை செய்து விட்டனர்.
'நல்லபடியா கை வெச்சுட்டாங்க சார்... இப்போ தம்பி ஸ்கூட்டில்லாம் ஓட்றான்...' என பூஜா நேற்று பேசினார். நன்றி ஆர்.ஜே. பாலாஜி தோழர்! தொடர்ந்து இம்மாதிரியான நற்செயல்களை முன்னெடுத்து கொண்டிருக்கிற அவருக்கும் அவரது நண்பர்களுக்கும் 'வி ட்ரஸ்ட்' 'சென்னை மைக்ரோ' அமைப்புகளுக்கும் வாழ்த்துக்கள்!" என அந்தப் பதிவில் கூறியுள்ளார் இயக்குநர் ராஜு முருகன்.