ஆர்ஜே பாலாஜி கட்சியின் மகளிர் அணித் தலைவி... அரசியல் அறிவிப்பை வெளியிட்ட ஆர்ஜே பாலாஜி!

எல்கேஜி

பிக் எஃப்.எம் ஆர்ஜே-வாக பணியாற்றி பிரபலமான ஆர்ஜே பாலாஜி தமிழ் சினிமாவில் காமெடியனாக கலக்கி வருகிறார். இந்நிலையில், அவர் 'எல்கேஜி' படத்தில் ஹீரோவாக நடிக்கிறார். 'எல்கேஜி' படத்தின் ஃபர்ஸ்ட் லுக் போஸ்டர் நேற்று இரவு வெளியிடப்பட்டது.

இயக்குநர்

அரசியல் படமான 'எல்கேஜி' படத்தில் ஆர்ஜே பாலாஜி அரசியல்வாதியாக நடிக்கிறார். இந்தப் படத்தை வேல்ஸ் பல்கலைக்கழகத்தின் சேர்மன் ஐசரி கே.கணேஷ் தயாரிக்கவுள்ளார். இந்தப் படத்தை பிரபு என்பவர் இயக்குகிறார்.

ப்ரியா ஆனந்த்

ஆர்ஜே பாலாஜிக்கு ஜோடியாக இந்தப் படத்தில் ப்ரியா ஆனந்த் நடிக்கிறார் என்பது குறிப்பிடத்தக்கது. தனது கட்சியின் மகளிர் அணித் தலைவி ப்ரியா ஆனந்த் என்று ஆர்ஜே பாலாஜி ட்விட்டரில் அறிவித்துள்ளார்.

சி ஃபார் கமிஷன்

ஆர்ஜே பாலாஜிக்கு ப்ரியா ஆனந்த் அரசியல் பாடம் சொல்லிக் கொடுப்பது போலவும் ஏ ஃபார் அரசியல், பி ஃபார் பினாமி மற்றும் சி ஃபார் கமிஷன் என்று கரும்பலகையில் எழுதியிருப்பது போன்றும் ஒரு புகைப்படத்தை ஆர்ஜே பாலாஜி வெளியிட்டுள்ளார். இந்த போஸ்டர்கள் சமூக வலைதளங்களில் வைரலாகி வருகின்றன.