எல்கேஜிக்கு ஒரு வயசாச்சு.. சத்தியமா சொல்றேன், மூக்குத்தி அம்மன் வேற லெவல்ல இருக்கும்.. ஆர்ஜே.பாலாஜி

கன்னியாகுமரி

மவுலி, ஊர்வசி, மேயாத மான் இந்துஜா உட்பட பலர் நடிக்கின்றனர். வேல்ஸ், ஃபிலிம் இண்டர்நேஷனல் தயாரிக்கிறது. கிரிஷ் கோபாலகிருஷ்ணன் இசை அமைக்கிறார். தினேஷ் கிருஷ்ணன் ஒளிப்பதிவு செய்கிறார். கன்னியாகுமரி மாவட்டத்தில் இதன் படப்பிடிப்பு தொடங்கியது. படத்தை என்ஜே.சரவணனுடன் இணைந்து ஆர்ஜே பாலாஜியும் இயக்குகிறார்.

விரதம் இருந்து

படத்துக்காக, நயன்தாரா விரதம் இருந்து நடித்தார். படப்பிடிப்பின்போது, தனது காதலர் விக்னேஷ் சிவனுடன் அங்குள்ள சில கோயில்களுக்குச் சென்று வந்தார் நயன்தாரா. இந்த புகைப்படங்கள் இணையத்தில் வெளியாகி பரபரப்பை ஏற்படுத்தின. நயன்தாராவின் அர்ப்பணிப்பை வார்த்தைகளில் சொல்லிவிட முடியாது என்று ஆர்.ஜே.பாலாஜி கூறியிருந்தார்.

முக்கியமான படம்

'அம்மன் கேரக்டரில் நடிப்பதற்காக, முழு உழைப்பையும் கொடுத்து இருக்கிறார். இது, அவர் சினிமா வாழ்வில், முக்கியமான படமாக இருக்கும். அவர் நடிக்கும் கதாபாத்திரம், படத்துக்கு பெரும் பலமாக இருக்கும். ஐசரி கே.கணேஷ் போன்ற ஒரு தயாரிப்பாளர் இருந்தால், படப்பிடிப்பில் எதற்கும் கவலைப்பட தேவையில்லை' என்று கூறியிருந்தார். இதையடுத்து இந்தப் படத்துக்கு எதிர்பார்ப்பு அதிகரித்துள்ளது.

எல்.கே.ஜி ஒரு வருடம்

இந்நிலையில், அவர் ஹீரோவாக அறிமுகமான எல்.கே.ஜி படம் வெளியாகி இன்றோடு ஒரு வருடம் ஆகியுள்ளது. கடந்த வருடம் பிப்ரவரி மாதம் 22 ஆம் தேதி இந்தப்படம் வெளியாகி இருந்தது. இதையடுத்து ரசிகர்களுக்கு நன்றி தெரிவித்துள்ளார் ஆர்.ஜே. 'ஒரு சின்னப் படத்தை, மறக்க முடியாத படமாக ஆக்கிவிட்டீர்கள். உங்கள் அன்பு, ஆதரவு மற்றும் நம்பிக்கைக்கு நன்றி. மூக்குத்தி அம்மன், உங்களை டபுள்மடங்காக மகிழ்ச்சிப்படுத்தும் என்று தெரிவித்துள்ளார். அம்மன் அருளுக்கு காத்திருக்கிறோம் என்று ரசிகர்கள் கமென்ட் போட்டுள்ளனர்.