’சென்னை எக்ஸ்பிரஸ்’ விழாவில் ஷாரூக்கின் ‘ கருப்பு மப்ளரை’ சுட்ட ரசிகர்கள்...

சென்னை எக்ஸ்பிரஸ்...

சமீபத்தில் வெளியாகி பரபரப்பாக ஓடி, வசூலை வாரிக் குவித்துக் கொண்டிருக்கும் படம் சென்னை எக்ஸ்பிரஸ். இதில் ஷாரூக் ஜோடியாக தீபிகா படுகோனே நடித்துள்ளார்.

புரோமோஷன் வேலைகள்...

படத்திற்கான புரோமோஷன் வேலைகள் படு மும்முரமாக நடந்து வருகின்றன. இதற்காக இந்தியாவின் சில முக்கியப் பகுதிகளுக்கு விசிட் அடித்து வருகிறார்கள் ஷாரூக்கும், தீபிகாவும்.

ஹாய், ஃபேன்ஸ்...

சமீபத்தில் மும்பையில் நடைபெற்ற புரோமோஷன் விழாவில் கலந்து கொண்ட ஷாரூக்கை ரசிகர்கள் படு உற்சாகமாக வரவேற்றனர். டாக்டர்களின் அறிவுரையை மீறி எப்போதுமே ரசிகர்களைக் கண்டால் ஆர்வ மிகுதியில் பாசத்தில் கட்டிப்பிடித்துக் கொள்வார் ஷாரூக்.

பயங்கர ஷாக்...

அந்தவகையில் மும்பையிலும் ரசிகர்களுடன் இரண்டறக் கலந்து போனார் ஷாரூக். சிறிது நேரத்திற்குப் பிறகு கூட்டத்ஹ்டில் இருந்து வெளியே வந்த ஷாரூக்கிற்கு பலத்த ஷாக். காரணம் அவர் கழுத்தில் இருந்த மப்ளர் மிஸ்ஸிங்.

ரசிகனின் குறும்பு...

ஏதோ ஒரு தீவிர ரசிகனின் வேலை தான் எனப் புரிந்து கொண்ட ஷாரூக், தனது மன வேதனையை இவ்வாறு ட்வீட்ட்ரில் பகிர்ந்து கொண்டுள்ளார், ‘அந்த கருப்பு நிற மப்ளர் சென்னை எக்ஸ்பிரஸ் ஷூட்டிங்கின் போது அதன் இயக்குநர் ரோஹித் ரெட்டி எனக்கு அன்பளிப்பாக கொடுத்தது.

பொக்கிஷம்...

மிகவும் பொக்கிஷமாக அதைப் பாதுகாத்து வந்தேன். மிகவும் ஆசையாக அதை அணிந்து வந்தேன். அதை எனது ரசிகர்களில் யாரோ தான் உருவிச் சென்றிருக்க வேண்டும்' எனத் தெரிவித்துள்ளார்.