திருமணநாள் அதுவுமா.. ரோபோ சங்கருக்கு ரஜினிகாந்த் கொடுத்த சூப்பர் சர்ப்ரைஸ்.. இது போதும் தலைவா!

ரோபோ சங்கர்

மிமிக்ரி ஆர்ட்டிஸ்ட்டான ரோபோ சங்கர் விஜய் டிவியின் கலக்கப் போவது யாரு நிகழ்ச்சி மூலம் பிரபலமானார். பின்னர், இயக்குநர் கோகுல் இயக்கத்தில் ஜீவா நடித்த ரெளத்திரம் படத்தின் மூலம் சினிமாவில் அறிமுகமானார். ஆனால், அந்த படத்தில் இவர் நடித்த காட்சிகள் கடைசியில் கத்தரிக்கப்பட்டன. ஆனால், மீண்டும் கோகுல் இயக்கத்தில் உருவான இதற்குத்தானே ஆசைப்பட்டாய் பாலகுமாரா படத்தில் நடித்த ரோபோ சங்கர் முன்னணி காமெடி நடிகராக பிரபலமானார்.

குடும்பமே நடிகர்கள்

ரோபோ சங்கர் மட்டுமின்றி அவரது மனைவி பிரியங்கா டிவி நிகழ்ச்சிகளில் பங்கேற்று வருகிறார். ரோபோ சங்கரின் மகள் இந்திரஜா சங்கர் நடிகர் விஜய்யின் பிகில் படத்தின் மூலம் சினிமாவில் அறிமுகமானார். இந்த ஆண்டு கார்த்தி நடிப்பில் வெளியான விருமன் படத்திலும் இந்திரஜா சங்கர் நடித்துள்ளார்.

திருமண நாள்

மாரி, வேலைன்னு வந்துட்டா வெள்ளைக்காரன், வேலைக்காரன், மாரி 2, மிஸ்டர் லோக்கல், இரவின் நிழல், கோப்ரா, தி லெஜண்ட் உள்ளிட்ட பல படங்களில் காமெடியனாக கலக்கி வரும் நடிகர் ரோபோ சங்கர் தனது 22வது திருமண நாளை இன்று குடும்பத்துடன் கொண்டாடி வருகிறார்.

ரஜினிகாந்த் கொடுத்த சர்ப்ரைஸ்

இந்நிலையில், திருமண நாளை முன்னிட்டு நடிகர் ரஜினிகாந்தை சந்திக்க வேண்டும் என்கிற கோரிக்கையை ரோபோ சங்கர் முன்வைத்திருந்தார். அதுக்கென்னப்பா.. வாங்க மீட் பண்ணலாம் என உடனடியாக சூப்பர்ஸ்டார் ஓகே சொல்ல ஜெயிலர் படத்தின் ஷூட்டிங் ஸ்பாட்டிற்கே தனது குடும்பத்துடன் சென்று ரஜினிகாந்தை சந்தித்து ஆசிர்வாதம் வாங்கி உள்ளார் ரோபோ சங்கர்.

படையப்பா படத்திலேயே

ரோபோ சங்கர் ரஜினிகாந்தின் படையப்பா படத்திலேயே அட்மாஸ்பியர் ஆர்ட்டிஸ்ட்டாக கூட்டத்தில் ஒருவராக நடித்துள்ளது குறிப்பிடத்தக்கது. இந்நிலையில், ரஜினிகாந்தை சந்தித்து திருமண நாள் அதுவுமாக ஆசி பெற்றதும், இது போதும் தலைவா என நன்றி கூறியுள்ளார்.

ஹல்க்காக

பார்த்திபனின் இரவின் நிழல் படத்தில் சாமியாராக நடித்த யோகி பாபு அடுத்ததாக யோகி பாபு, ஓவியா நடிப்பில் விரைவில் வெளியாக உள்ள பூமர் அங்கிள் படத்தில் ஹல்க் பேயாக நடித்துள்ள காட்சிகள் சமீபத்தில் வெளியான அந்த படத்தின் டிரைலரில் இடம்பெற்றிருந்தன.