துருவ் விக்ரமிற்கு ஜோடியாகும் பிரபல நடிகையின் மகள்..ஒருவேளை அந்த நடிகையா இருக்குமோ?

ஆதித்யா வர்மா

ஆதித்யா வர்மா திரைப்படத்தை அடுத்து கார்த்தி சுப்புராஜ் இயக்கத்தில் வெளியான மகான் படத்தில் அப்பாவுடன் இணைந்து நடித்திருந்தார். இந்த படம் ஓடிடியில் வெளியாகி பலவையான விமர்சனங்களை பெற்றது. காவல்துறை அதிகாரியாக நடித்திருந்த துருவ் தனது கதாபாத்திரம் உணர்ந்து மிகவும் நடித்திருந்தார். இந்த படத்திலும் சிறப்பாக நடித்து புலிக்கு பிறந்தது பூனை ஆகாது என்பதை நிரூபித்தார்.

மாரிசெல்வராஜ் படத்தில்

அடுத்ததாக அவர் மாரி செல்வராஜ் இயக்கத்தில் நீலம் புரொடக்‌ஷன்ஸ் நிறுவனத்துக்காக ஒரு படத்தில் நடிக்க இருந்தார். ஆனால் மாரி செல்வராஜ் தற்போது உதயநிதி ஸ்டாலின் படத்தை இயக்கி வருவதால் துருவ் விக்ரம் படம் தள்ளிவைக்கப்பட்டுள்ளது.

ரோஜாவின் மகள்

இந்நிலையில் விக்ரமின் மகன், துருவ் விக்ரம் நேரடியாக தெலுங்கு படத்தில் நடிக்க ஒப்பந்தமாகி உள்ளார். மேலும் அந்த படத்தின் கதாநாயகியாக பிரபல நடிகையும் அரசியல்வாதியுமான ரோஜாவின் மகள் அன்சுமாலிகா கதாநாயகியாக நடிக்க வைக்க பேச்சுவார்த்தை நடந்து வருவதாகவும் சொல்லப்படுகிறது.

விரைவில் அறிவிப்பு

ரோஜாவின் மகள் அன்சுமாலிகா 2021ம் ஆண்டு சிறந்த சமூக சேவகர் விருதை வென்றதன் மூலம் தனக்கென ஒரு பெயரைப்பெற்றார். மேலும், தி ஃபிளேம் இன் மை ஹார்ட் என்ற புத்தகத்தையும் எழுதியுள்ளார். நீண்ட காலமாக சமூக ஊடகங்களில் ஆக்டிவாக இருந்த அன்சுமாலிகா, சியான் விக்ரமின் மகன் துருவ் விக்ரம் தெலுங்கில் அறிமுகமாகும் படத்தில் அவருக்கு ஜோடியாக உள்ளார். இதுகுறித்த விரைவில் அதிகாரப்பூர்வ அறிவிப்பு விரைவில் வெளியாக உள்ளது.