RRR box office collection: 3 நாட்களில் இத்தனை கோடியா? உலக பாக்ஸ் ஆபிஸை தெறிக்கவிட்ட ராஜமெளலி!

இந்தியாவின் பெருமை

பாகுபலியின் இரண்டு பாகங்களும் இந்தியாவின் பெருமை மிகு படைப்பாக மாறி அதிக பட்சமாக 2000 கோடி வரை வசூலை அந்த படங்கள் பெற்றிருந்தன. இந்நிலையில், இயக்குநர் ராஜமெளலி இயக்கத்தில் வெளியான ஆர்ஆர்ஆர் திரைப்படம் மீண்டும் இந்தியாவின் பெருமை மிகு படைப்பாக சர்வதேச அளவில் பாராட்டுக்களை அள்ளி உள்ளது.

முதல் நாள் வசூல்

முதல் நாளிலேயே ஆர்ஆர்ஆர் திரைப்படம் 223 கோடி ரூபாயை உலகளவில் வசூல் செய்து மிகப்பெரிய சாதனையை படைத்தது என்கிற பெருமையை அடைந்தது. கொரோனா பரவலுக்கு பிறகு இந்தியளவில் மிகப்பெரிய வசூல் வேட்டையை நடத்திய படம் என்கிற பெருமையையும் ஆர்ஆர்ஆர் படம் பெற்றது. டோலிவுட்டில் முதல் நாளிலேயே 120 கோடிக்கும் அதிகமாக வசூல் அள்ளிய இந்த படம் பாலிவுட்டில் 75 கோடி வரை முதல் நாளில் வசூல் ஈட்டியது.

இரண்டாம் நாள் வசூல்

படத்திற்கு திரும்பிய இடமெல்லாம் பாசிட்டிவ் விமர்சனங்கள் குவிய மேலும், படத்தை பார்த்தால் தியேட்டரில் தான் பார்க்க வேண்டும் என ப்ளூசட்டை மாறன் உள்ளிட்ட விமர்சகர்களே சொன்ன நிலையில், ஏகப்பட்ட டிக்கெட்டுகள் 2ம் நாளும் விற்றுத் தீர்ந்தன. 100 முதல் 110 கோடி வரை இரண்டாம் நாள் பாக்ஸ் ஆபிஸ் வசூல் வந்ததாக கூறப்படுகிறது.

450 கோடி

ஞாயிற்றுக்கிழமை உலகளவில் படத்திற்கு 126 கோடி முதல் 130 கோடி வரை வசூல் வந்துள்ளதாக தகவல்கள் வெளியாகி உள்ளன. டோலிவுட்டில் மட்டும் 250 கோடிக்கு மேல் 3 நாட்களில் இந்த படம் வசூல் செய்துள்ளதாகவும் உலகளவில் 450 கோடிக்கும் அதிகமாக RRR படம் வசூல் ஈட்டியுள்ளதாக வியப்பில் ஆழ்த்தும் பாக்ஸ் ஆபிஸ் ரிப்போர்ட்டுகள் வந்துள்ளன. ஆனால், இதுதொடர்பான அதிகாரப்பூர்வ அறிவிப்பு வெளியாகவில்லை என்பது குறிப்பிடத்தக்கது.