‘ஆர்ஆர்ஆர்‘ படத்தின் டிரைலர் எப்போ ரிலீஸ் தெரியுமா.. வெளிவந்த சுவாரஸ்ய தகவல்!

பிரம்மாண்டமான படம்

பாகுபலி திரைப்படத்தின் பிரம்மாண்ட வெற்றிக்கு பிறகு எஸ்.எஸ்.ராஜமௌலி ஆர்ஆர்ஆர் படத்தை இயக்கி வருகிறார். சுமார் 400 கோடி ரூபாய் பொருட் செலவில் இப்படம் தயாராகி உள்ளது. தமிழ், தெலுங்கு, மலையாளம், கன்னடம், இந்தி என 5 மொழிகளில் உருவாகி உள்ள இத்திரைப்படத்திற்கு தமிழில், ரத்தம் ரணம் ரௌத்திரம் என பெயர் வைக்கப்பட்டுள்ளது.

ஜனவரி 7ந் தேதி ரிலீஸ்

சுதந்திர போராட்ட வீரர்களான சீதராமராஜு, கொமராம்பீம் ஆகியோர் வாழ்க்கையை மையயமாகக் கொண்டு இத்திரைப்படம் உருவாகி உள்ளது. பெரும் வரலாற்றுத் திரைப்படமாக உருவாகி உள்ள இத்திரைப்படத்தை காண ரசிகர்கள் ஆவலுடன் உள்ளனர். வரும் ஜனவரி 7-ஆம் தேதி உலகம் முழுக்க தியேட்டர்களில் வெளியாகிறது என்று படக்குழு சமீபத்தில் அதிகாரபூர்வமாக அறிவித்தது.

ஜூனியர் என்டிஆர்

தெலுங்கின் முன்னணி நடிகர்களான ராம் சரண் மற்றும் ஜூனியர் என்.டி.ஆர் முன்னணி கதாபாத்திரங்களில் நடித்து வருகின்றனர். பாலிவுட் நடிகர்கள் அஜய் தேவ்கன், ஆலியா பட் மற்றும் தமிழ் நடிகர் சமுத்திரக்கனி உள்ளிட்டோர் முக்கியக் கதாபாத்திரங்களில் நடிக்கின்றனர்.

டிரைலர்

இந்நிலையில், ஆர்ஆர்ஆர் திரைப்படத்தின் டிரைலர் டிசம்பர் 3ந் தேதி வெளியாகும் என்ற அதிகாரப்பூர்வ தகவல் வெளியாகி உள்ளது. மேலும், ஆர்ஆர்ஆர் திரைப்படத்தின் 3வது பாடலான உயிரே பாடல் சமீபத்தில் வெளியாகி பெரும் வரவேற்பை பெற்றது.

ஜீ, நெட்பிளிக்ஸில்

ஆர்ஆர்ஆர் படத்தை ஒடிடியில் வெளியிடும் உரிமையை ஜீ மற்றும் நெட்பிளிக்ஸ் நிறுவனம் கைப்பற்றியுள்ளன. தெலுங்கு, தமிழ், மலையாளம், கன்னட மொழி உரிமையை ஜீ நிறுவனமும், இந்தி உரிமையை நெட்பிளிக்ஸ் நிறுவனமும் கைப்பற்றி உள்ளன.