இளையராஜா இசையில் எஸ் ஏ சந்திரசேகரன் இயக்கும் டூரிங் டாக்கீஸ்

By Shankar

| Published: Saturday, August 30, 2014, 16:25 [IST]

SA Chandrasekaran - Ilaiyaraaja join hands for Touring Talkies

டூரிங் டாக்கீஸ் எனும் பெயரில் அடுத்த படம் இயக்குகிறார் எஸ்ஏ சந்திரசேகரன். இந்தப் படத்துக்கு இளையராஜா இசையமைக்கிறார்.

தேனி மாவட்டத்தில் "டூரிங் டாக்கீஸ்' திரைப்படத்தின் படப்பிடிப்பு நடைபெற்று வருகிறது.

அப்போது செய்தியாளர்களைச் சந்தித்த எஸ்ஏசி கூறுகையில், "விஜயகாந்த் நடித்த "சட்டம் ஒரு இருட்டறை' படத்தில் தொடங்கி, இதுவரை 68 திரைப்படங்களை இயக்கியுள்ளேன். எனது 69ஆவது படமாகவும், கனவுப் படமாகவும் "டூரிங் டாக்கீஸ்' திரைப்படம் உருவாகி வருகிறது.

3 சிறிய கதைத் தொடர்களை ஒருங்கிணைத்து, இந்தப் படத்தின் கதையை அமைத்துள்ளேன். இளையராஜா இசையமைக்கிறார்.

படத்தில் 70 வயது முதியவராக பாத்திரமேற்று நான் நடித்துள்ளேன். எனக்கு ஓய்வு தேவைப்படும் என்பதற்காக, இனிமேல் திரைப்படங்களை இயக்க வேண்டாம் என்று என்னுடைய மகன் விஜய் அன்புக் கட்டளையிட்டுள்ளார். ஆனால், உழைப்புக்கு ஏது ஓய்வு என்பது எனது கருத்து.

கத்திக்கு சிக்கல் இல்லை

ஏ.ஆர்.முருகதாஸ் இயக்கத்தில் விஜய் நடிக்கும் "கத்தி' திரைப்படத்தை வெளியிடுவதில் எந்த சிக்கலும் இல்லை. விளம்பரம் தேடிக் கொள்வதற்காக, சிலர் பிரச்னையாக்கி வருகின்றனர்," என்றார்.