மார்ச்-ல் ஓடிடியில் வெளியாகும் சாணி காயிதம்.. லேட்டஸ்ட் அப்டேட்!

தங்கை வேடங்களை

தென்னிந்தியாவில் முன்னணி ஹீரோயினாக வலம் வந்து கொண்டிருப்பவர் நடிகை கீர்த்தி சுரேஷ். தொடர்ந்து கதாநாயகிக்கு முக்கியத்துவம் தரும் கதைகளில் நடித்து வந்த இவர் சமீபகாலமாக தங்கை வேடங்களையும் ஏற்று நடித்து வருகிறார். அந்த வகையில் சூப்பர் ஸ்டார் ரஜினிகாந்துக்கு தங்கையாக அண்ணாத்த படத்தில் நடித்தார்.

சிரஞ்சீவிக்கு தங்கையாக

சிறுத்தை சிவாவின் இயக்கத்தில் முழுக்க முழுக்க குடும்ப பின்னணியில் உருவான இந்த படத்தில் ரஜினிகாந்தின் தங்கையாக கீர்த்தி சுரேஷ் நடித்து அனைவரது பாராட்டுகளையும் பெற்றார் இப்போது தெலுங்கில் சிரஞ்சீவிக்கு தங்கையாக போலோ சங்கர் என்ற படத்தில் நடித்து வருகிறார் இப்படம் தமிழில் அஜித் நடிப்பில் வெளியாகி சூப்பர் ஹிட் வெற்றி பெற்ற வேதாளம் படத்தின் அதிகாரப்பூர்வ ரீமேக் ஆகும்

சாணி காயிதம்

விக்னேஷ் சிவன் நயன்தாராவின் ரவுடி பிக்சர்ஸ் நிறுவனம் தயாரிப்பில் வெளியாகி ரசிகர்கள் மத்தியில் அமோக வரவேற்பை பெற்ற ராவான கேங்க்ஸ்டர் திரைப்படம் ராக்கி . இப்படத்தை அறிமுக இயக்குனர் அருண் மாதேஸ்வரன் இயக்கியிருந்தார் ராக்கி மிகப்பெரிய வெற்றி பெற்றதைத் தொடர்ந்து அடுத்ததாக சாணி காயிதம் என்ற படத்தை இயக்கி வருகிறார். ஆக்ஷன் திரில்லர் கதை களத்தில் உருவாகி வரும் இந்த படத்தில் இயக்குனர் செல்வராகவன் நடிகராக அறிமுகமாகிறார். இயக்குனராக தமிழ் சினிமாவில் பெரும் ரசிகர்கள் பட்டாளத்தை கொண்ட ஒரு இயக்குனராக வலம் வந்து கொண்டிருக்கும் செல்வராகவன் முதல் முறையாக நடிகராக அறிமுகமாகும் படம் என்பதால் இப்படத்திற்கு மிகப்பெரிய எதிர்பார்ப்பு உள்ளது.

Recommended Video

Chaams | Aha Tamil OTT யை பயங்கரமா வரவேற்கிறேன் | Filmibeat Tamil

மார்ச் மாதம் முதல் வாரம்

கீர்த்தி சுரேஷ் மற்றும் செல்வராகவன் இந்த படத்தில் வழிப்பறிக் கொள்ளையர்களாக நடித்து வருவதாக கூறப்படுகிறது. செல்வராகவன் நடிகராக அறிமுகமாகும் முதல் திரைப்படம் என்பதால் இப்படம் திரையரங்கில் வெளியாகும் என ரசிகர்களால் எதிர்பார்க்கப்பட்டது. ஆனால் இப்படம் நேரடியாக ஓடிடியில் வெளியாகிறது என்ற தகவல் சில மாதங்களுக்கு முன்பே தெரிய வந்தது. இந்நிலையில் சாணி காகிதம் மார்ச் மாதம் முதல் அல்லது இரண்டாவது வாரத்தில் அமேசான் ப்ரைம் ஓடிடி தளத்தில் வெளியாகிறது என்ற லேட்டஸ்ட் தகவல் தற்போது கிடைத்துள்ளது.