முகப்பு

செய்திகள்

பள்ளி மாணவர்கள் எப்படி இருக்கவேண்டும், அரசுப் பள்ளி ஆசிரியர்கள் எப்படி இருக்க வேண்டும் என்று உணர்த்திய படம் சாட்டை.

இந்தப் படத்தில் சமுத்திரகனியுடன் நடித்த தம்பி ராமையா உள்ளிட்ட பல நடிகர்களும் சிறப்பாக நடித்திருந்தனர். தமிழகம் முழுவதும் பள்ளி மாணவர்களுக்கு சிறப்பு காட்சி போட்டு காட்டப்பட்ட படமும் கூட. இதன் தெலுங்கு உரிமையை ஜீவிதா ராஜசேகர் வாங்கியுள்ளார்.

அன்பழகன் இயக்கிய 'சாட்டை' திரைப்படத்தில் ஆசிரியர் கதாபாத்திரத்தில் வெளுத்து வாங்கினார் இயக்குனர் சமுத்திர கனி. தமிழ் 'சாட்டை'யின் வெற்றியை அடுத்து, தெலுங்கு சாட்டையை சுழற்ற தயாராகி விட்டார் அன்பழகன். தெலுங்கில், சமுத்திர கனியின் ரோலை டாக்டர் ராஜசேகர் செய்கிறாராம். 'தமிழ் சாட்டையை போல தெலுங்கு சாட்டையும் வெற்றி பெரும் என்று நம்பிக்கையோடு பேசுகிறார் அன்பழகன்!

வழக்கமாக தெலுங்கு படங்களை தான் தமிழில் ரிமேக் செய்வார்கள். ஆனால், தமிழில் சரித்திரம் பதித்த படங்கள் இப்போது தெலுங்கில் ரீமேக் ஆவது நமக்குப் பெருமைதானே.