பாலிவுட் வில்லன் “சதாசிவ அமராபுர்கர்” மரணம்- நாளை இறுதிச்சடங்கு!

நடிப்பால் உள்ளம் கவர்ந்தவர்:

பாலிவுட் உலகில் மிஸ்டர் இந்தியா, அர்த் சத்யா, இயக்குநர் பாக்கியராஜ் இயக்கிய ஆக்ரி ராஸ்தா (ஒரு கைதியின் டைரி படத்தின் ரீமேக்) போன்ற படங்களில் மிகச் சிறப்பான நடிப்பை வெளிப்படுத்தியவர் இவர்.

திருநங்கையாக அசத்தல் வேடம்:

சஞ்சய் தத் நடித்த சடக் படத்தில் கதாநாயகியை பாலியல் தொழிலில் ஈடுபடுத்தும் மகாராணி என்ற திருநங்கையாக வில்லன் நடிப்பில் புதிய பரிமாணத்தை வெளியிட்டார்.

இரண்டு விருதுகள்:

தன்னுடைய சிறப்பான நடிப்பிற்காக இரண்டு "பிலிம் பேர்" விருதுகளை பெற்றுள்ளார் அமராபுர்கர். 1984 ஆம் ஆண்டு "அர்த் சத்யா" படத்திற்காகவும், 1991 ஆம் ஆண்டு "சடக்" திரைப்படத்திற்காகவும் இவ்விருதுகளைப் பெற்றுள்ளார்.

கடைசித் திரைப்படம்:

அதற்கு பின்னர் மராத்திய மொழிப்படங்களில் கவனம் செலுத்திய அவர், 2012 ஆம் ஆண்டு கடைசியாக "பாம்பே டாக்கிஸ்" என்ற படத்தில் திரையில் தோன்றினார்.

நிஜத்தில் “ஹீரோதான்”:

திரையில் தீய குணங்களுடன் தோன்றினாலும், நிஜ வாழ்க்கையில் கிராமப்புற இளைஞர்களுக்கு வேலைவாய்ப்பு அளிக்க பல்வேறு தொண்டுகளிலும், சமூக பணிகளிலும் தீவிரமாக ஈடுபட்டிருந்தார்.

நாளை இறுதிப்பயணம்:

அவருடைய இறுதிச் சடங்கானது, சொந்த ஊரான அகமத்நகரில் நாளை நடைபெறும் என்று அவருடைய குடும்பத்தினர் தெரிவித்துள்ளனர்.