தெலுங்கு நடிகருக்கு மீண்டும் ஜோடியாகும் சாய் பல்லவி.. இது சூப்பர் ஹிட் காம்போவாச்சே!

விராட பருவம்

நடிப்பு, நடனம் அளவான கவர்ச்சி என சினிமாவில் கலக்கிக் கொண்டிருக்கும் நடிகை சாய் பல்லவி தெலுங்கு திரைப்படங்களில் அதிகம் கவனம் செலுத்தி வருகிறார். மற்ற நடிகைகள் போல் இல்லாமல் கதைக்கு மட்டுமே முக்கியத்துவம் கொடுத்து நடித்து வரும் இவருக்கு கைவசம் லவ் ஸ்டோரி, விராட பருவம் மற்றும் ஷ்யாம் சிங்கா ராய் ஆகிய படங்கள் உள்ளன.

பிடா

இதில் விராட பருவம் திரையரங்குகளில் வெளியாக தாமதமாவதால் நேரடியாக ஓடிடியில் வெளியிட பேச்சுவார்த்தைகள் நடைபெற்று வருவதாகவும் கூறப்படுகிறது. சாய் பல்லவி நடிக்கும் பெரும்பாலான திரைப்படங்கள் வெற்றி பெற்று வரும் நிலையில் கடந்த 2017 ஆம் ஆண்டு சேகர் கம்முலா இயக்கத்தில் பிடா என்ற திரைப்படத்தில் நடித்திருந்தார். இதில் இவருக்கு ஜோடியாக இளம் நடிகர் வருண் தேஜ் நடித்திருந்தார்.

டோலிவுட்டே எதிர்பார்ப்பில்

வழக்கமான காதல் கதை என்றாலும் அனைவருக்கும் பிடித்தது. பெரும் வரவேற்பையும் பெற்று ஹிட்டடித்தது. தெலுங்கு சினிமாவில் வெளியான மிகச்சிறந்த காதல் திரைப்படங்களில் ஒன்றாக பிடா கொண்டாடப்பட்டது . வருண் தேஜ் மற்றும் சாய்பல்லவி முதல்முறையாக இணைந்து நடித்திருந்தாலும் காட்சிக்கு காட்சி அனைவரையும் ரசிக்க வைத்திருப்பதால் இந்த ஜோடி மீண்டும் எப்பொழுது இணைவார்கள் என டோலிவுட்டே பெரும் எதிர்பார்ப்பில் காத்துக்கொண்டிருந்தது.

Recommended Video

மணிரத்னம் எனக்கு தெரியாமலேயே SHOOT பண்ணுவார் | CLOSE CALL WITH NIROSHA PART-03 | FILMIBEAT TAMIL

கதாநாயகியாக சாய்பல்லவி

இந்த நிலையில் பிடா கூட்டணி மீண்டும் இணைய உள்ளதாக கூறப்படுகிறது. இயக்குனர் வெங்கி குடுமுலா கூறிய கதை வருண் தேஜாவுக்கு மிகவும் பிடித்த விட நடிக்க ஓகே சொல்லிவிட்டாராம். எனவே கதாநாயகியாக நடிக்க சாய்பல்லவி உடன் பேச்சுவார்த்தை நடைபெற்று வருகிறது. மீண்டும் பிடா கூட்டணி இணைய இருப்பது தெலுங்கு ரசிகர்களிடம் மிகப்பெரிய எதிர்பார்ப்பை ஏற்படுத்தியுள்ளது.