Don't Miss!
- Technology தட்டித்தூக்கும் விலை.. AMOLED டிஸ்பிளே.. 5ATM ரெசிஸ்டன்ஸ்.. 14 நாட்கள் பேக்கப்.. எந்த மாடல்?
- News அதிமுக வேண்டாம்? பாமக முடிவுக்கு என்ன காரணம்? மொத்த டேட்டா இதோ!
- Finance தேர்தல் பத்திரம்: தனிநபர்கள் நன்கொடை செய்த ரூ.358.91 கோடி.. முதல் இடத்தில் யார் தெரியுமா..?
- Lifestyle 3 குழந்தைகளின் தந்தை விவாகரத்து கேட்டு நீதிமன்றத்துக்கு ஓடிய வினோதம்... காரணத்தை கேட்டு மயக்கம் போட்ட நீதிபதி!
- Sports இவ்ளோ திறமையா? ரோஹித்தை வியக்க வைத்த இளம் வீரர்.. இதை மட்டும் செய்தால் டி20 அணியிலும் இடம் உறுதி
- Automobiles 10,000கிமீ கடந்து குமரி வந்த எலெக்ட்ரிக் ஸ்கூட்டர்.. நம்பி வாங்கலாம் போலிருக்கே! இதோட விலை எவ்வளவாக இருக்கும்?
- Education கல்வித்தரத்தில் சமரசம் செய்துகொள்ளாத எம்ஓபி வைஷ்ணவ் மகளிர் கல்லூரி
- Travel தமிழ்நாட்டின் அரண்மனை கிராமம் இது தான் – தமிழர்கள் ஒவ்வொருவரும் கட்டாயம் பார்க்க வேண்டியம் இடம்!
உருவாகிறது, விமான விபத்தில் இறந்த பிரபல நடிகையின் பயோபிக்.. நம்ம 'ரவுடி பேபி' நடிக்கிறாராமே?
சென்னை: பிரபல நடிகையின் வாழ்க்கை கதையில் 'ரவுடி பேபி' சாய் பல்லவி நடிக்க இருப்பதாகக் கூறப்படுகிறது.
பிரபலங்களின் வாழ்க்கை வரலாற்றுக் கதைகளை படமாக எடுப்பது இப்போது அதிகரித்து வருகிறது.
நடிகை சாவித்ரியின் வாழ்க்கை கதை நடிகையர் திலகம் என்ற பெயரில் வெளியாகி சூப்பர் ஹிட்டானது.
கங்கனா ரனவத்
இதில் நடித்த கீர்த்தி சுரேஷுக்கு தேசிய விருது கிடைத்தது. இதையடுத்து, இப்போது தமிழக முன்னாள் முதல்வர் ஜெயலலிதாவின் வாழ்க்கை கதை 'தலைவி' என்ற பெயரில் உருவாகி வருகிறது. இதில் இந்தி நடிகை கங்கனா ரனவத், ஜெயலலிதாவாக நடிக்கிறார். விஜய் இயக்குகிறார். அரவிந்த் சாமி, பூர்ணா, இந்தி நடிகை பாக்யலட்சுமி உள்பட பலர் நடிக்கின்றனர்.
சவுந்தர்யா பயோபிக்
இப்போது நடிகை சவுந்தர்யாவின் வாழ்க்கை கதையை சினிமாவாக எடுக்க இருப்பதாகக் கூறப்படுகிறது. நடிகை, சவுந்தர்யா, கார்த்தி நடிப்பில் வெளியாகி மாபெரும் வெற்றிப் படமாக மாறிய 'பொன்னுமணி' மூலம் தமிழில் அறிமுகமானவர். ஆர்.வி.உதயகுமார் இயக்கி இருந்த இந்தப் படத்துக்கு இளையராஜா இசை அமைத்திருந்தார்.
காதலா காதலா
இந்தப் படம் சூப்பர் ஹிட்டானதை அடுத்து, தொடர்ந்து தமிழில் வாய்ப்புகள் குவிந்தன. தெலுங்கிலும் வாய்ப்புகள் அதிகரித்தன. தமிழில், சத்யராஜின் சேனாதிபதி, ரஜினிகாந்தின் அருணாச்சலம், கமல்ஹாசனின் காதலா காதலா, சிவாஜி, அர்ஜூன் நடித்த மன்னவரு சின்னவரு, ரஜினியின் படையப்பா உட்பட பல ஹிட் படங்களில் நடித்தார்.
விமான விபத்து
இந்தியில் அமிதாப்பச்சனுடன் சூர்யவம்சம் படத்திலும் நடித்துள்ளார். முன்னணி நடிகையாக வலம்வந்த சவுந்தர்யா கடந்த 2004 ம் ஆண்டு பாரதிய ஜனதா கட்சிக்காக, பிரசாரம் செய்ய சென்றபோது, விமான விபத்தில் இறந்து போனார். இது திரையுலகில் பெரிய அதிர்ச்சியை ஏற்படுத்தியது.
'ரவுடி பேபி' சாய் பல்லவி
இந்நிலையில் இவர் வாழ்க்கை கதை சினிமாவாக இருக்கிறது. நடிகை சவுந்தர்யாவாக நடிக்க, 'ரவுடி பேபி' சாய் பல்லவியிடம் பேசிவருவதாகவும் அவர் நடிக்க இருப்பதாகவும் கூறப்படுகிறது. இதுபற்றி சமூக வலைதளங்களில் வேகமாக செய்தி பரவி வருகிறது. படத்தை யார் இயக்கப் போகிறார் என்ற விவரங்கள் விரைவில் வெளியாகும் என்று கூறப்படுகிறது.