Click it and Unblock the Notifications
Salaar Teaser - 24 மணி நேரம்தான் ஆகுது.. 83 மில்லியன் பார்வைகள்.. சலார் டீசர் செய்த செம சாதனை
ஹைதராபாத்: Salaar Teaser (சலார் டீசர்) சலார் டீசர் வெளியாகி 24 மணி நேரம் நிறைவடைந்திருக்கும் நிலையில் அதனை 83 மில்லியன் பேர் பார்த்திருக்கின்றனர்.
யஷ் நடிப்பில் கேஜிஎஃப் படத்தின் இரண்டு பாகங்களை இயக்கியவர் பிரசாந்த் நீல். கேஜிஎஃப்பின் முதல் பாகம் மாஸ் காட்ட இரண்டாம் பாகம் வெளியாகி சக்கைப்போடு போட்டு வசூலில் 1000 கோடி ரூபாயை தொட்டது. இதன் மூலம் இந்திய அளவில் கவனிக்கப்படும் இயக்குநராக மாறியிருக்கும் பிரசாந்த் நீல்தான் இப்போதைக்கு கமர்ஷியல் படங்களை பக்கா வெயிட்டேஜோடு கொடுப்பவர் என்ற பெயரையும் பெற்றிருக்கிறார்.
சலார்: இதனையடுத்து அவரது இயக்கத்தில் நடித்துவிட வேண்டும் என்று ஹீரோக்கள் துடியாய் துடித்துக்கொண்டிருக்கும் நிலையில் பிரபாஸை வைத்து இயக்க கமிட்டானார் பிரசாந்த். அதன்படி படத்துக்கு சலார் என்று பெயர் வைக்கப்பட்டுள்ளது. படத்தை ஹோம்பாலே பிலிம்ஸ் நிறுவனம் தயாரித்திருக்கிறது. பிருத்விராஜ், ஸ்ருதி ஹாசன் உள்ளிட்டோர் படத்தில் நடித்திருக்கின்றனர்.
பிரபாஸின் சறுக்கல்: பாகுபலி படத்தின் மூலம் இந்திய அளவில் பிரபாஸ் பிரபலமடைந்திருந்தாலும் அந்தப் படத்துக்கு பிறகு அவருக்கு சொல்லிக்கொள்ளும்படி ஒரு ஹிட் படம்கூட அமையவில்லை. சமீபத்தில் அவர் நடித்த ஆதிபுருஷ் படமும் படுதோல்வியை சந்தித்தது. தோல்வியை மட்டுமின்றி பிரபாஸ் கடுமையான ட்ரோல்களையும் சந்தித்தார். இதனை பார்த்த ரசிகர்கள் பாகுபலியில் கிடைத்த வரவேற்பை பிரபாஸ் பயன்படுத்திக்கொள்ள தவறிவிட்டார் என்றே கருதுகின்றனர்.
கம்பேக் கொடுக்குமா சலார்: நிலைமை இப்படி இருக்க நிச்சயம் ஒரு ஹிட் படம் கொடுத்துவிட வேண்டுமென்ற முனைப்பில் இருக்கிறார் பிரபாஸ். எனவே யஷ்ஷுக்கு எப்படி கேஜிஎஃப் படம் அடையாளமாக மாறியதோ அதேபோல் சலார் படத்தின் மூலம் தனக்கு மேலும் ஒரு அடையாளம் கிடைக்கும் என்ற நம்பிக்கையில் இருக்கிறார் பிரபாஸ். எனவே இந்தப் படம் அவருக்கும், அவரது ரசிகர்களுக்கும் முக்கியத்துவம் வாய்ந்ததாக கருதப்படுகிறது.
மெர்சல் செய்த சலார் டீசர்: இந்தச் சூழலில் மிகப்பெரிய எதிர்பார்ப்போடு உருவாகிவரும் சலார் படத்தின் டீசர் நேற்று காலை 5.12 மணிக்கு வெளியிடப்பட்டது. டீசரை பார்க்கும்போது இந்தப் படம் முழுக்க முழுக்க ஆக்ஷன் மோடில் உருவாகியிருப்பது உறுதியாகியுள்ளது. வழக்கமான பிரசாந்த் நீலின் ஆக்ஷன் காட்சிகள் இடம்பெற்று பிரபாஸ் ரசிகர்களுக்கு கூஸ் பம்ப்ஸை ஏற்படுத்தியது. குறிப்பாக டீசரில் பிரபாஸின் இண்ட்ரோ மெர்சலாக இருந்ததாக அவரது ரசிகர்கள் கூறிவருகின்றனர். மேலும் டீசர் முழு திருப்தியை கொடுத்திருப்பதாக கூறி கொண்டாடிவருகின்றனர்.
சலாரின் சாதனை: இந்நிலையில் சலார் படத்தின் டீசர் மிகப்பெரிய சாதனையை செய்துள்ளது. அதன்படி டீசர் வெளியாகி 24 மணி நேரம் முடிவடைந்திருக்கும் நிலைமையில் இதுவரை 83 மில்லியன் பார்வையாளர்கள் யூட்யூபில் டீசரை பார்த்திருக்கின்றனர். ஒரு நாளுக்குள்ளாகவே இவ்வளவு பார்வைகளை பெற்ற டீசர் மிக விரைவில் 100 மில்லியன் பார்வைகளை பெற்று சாதனை செய்யும் என எதிர்பார்க்கப்படுகிறது. படம் செப்டம்பர் 28ஆம் தேதி வெளியாகவிருக்கிறது.
Continue with Google