அஜீத்துக்கு சிலை அமைத்த சேலம் ரசிகர்கள்!

நடிகர் நடிகைகளுக்கு சிலை எடுப்பதிலும் கோயில் கட்டுவதிலும் தமிழ் ரசிகர்களை மிஞ்ச ஆளில்லை.

எம்ஜிஆர், சிவாஜி, ரஜினி, கமல் என மூத்த நடிகர்களுக்கு சிலை வைத்த ரசிகர்கள், இப்போது விஜய், அஜீத்துக்கும் வைக்க ஆரம்பித்துள்ளனர்.

கத்தி வெளியான சமயத்தில் விஜய்க்கு அவரது ரசிகர்கள் சிலை வைத்து மகிழ்ந்தனர்.

இப்போது என்னை அறிந்தால் படத்துக்காக அஜீத்துக்கும் சிலை வைத்துள்ளனர் அவரது ரசிகர்கள்.

சேலத்தைச் சேர்ந்த ரசிகர்கள் சிலர், அஜித்துக்கு சிலை அமைத்து அதை ஒரு மினி வேனில் எடுத்து வந்தனர். என்னை அறிந்தால் படத்தில் வரும் அஜித்தின் புதிய கெட்டப்பில் அந்த சிலையை உருவாக்கியிருந்தனர்.