தமிழ், தெலுங்கு, இந்தியில் ரிலீஸாகும் விஜய் ஆண்டனியின் சலீம்

சென்னை: நடிகரும், இசையமைப்பாளருமான விஜய் ஆண்டனியின் சலீம் படம் தமிழ், தெலுங்கு மற்றும் இந்தி என 3 மொழிகளில் ரிலீஸாக இருக்கிறது.

நடிகரும், இசையமைப்பாளருமான விஜய் ஆண்டனி சலீம் என்ற படத்தில் நடித்துள்ளார். இந்த படத்தில் ஆண்டனிக்கு ஜோடியாக அக்ஷா பர்தசானி நடித்துள்ளார். நான் படத்தில் நடிகராக வெற்றி கண்ட ஆண்டனி தற்போது சலீம் படம் மூலம் மீண்டும் நடிகராக ரசிகர்களை சந்திக்கவிருக்கிறார்.

இந்த படம் தமிழ், தெலுங்கு மற்றும் இந்தி என்று ஒரே நேரத்தில் 3 மொழிகளில் ரிலீஸ் ஆகவிருக்கிறது என்று ஆண்டனி தெரிவித்துள்ளார். படத்தை 3 மொழிகளில் ரிலீஸ் செய்ய படக்குழுவினர் தீயா வேலை செய்து கொண்டிருக்கிறார்கள் என்று கூறப்படுகிறது.

நான் படத்தை போன்றே சலீமும் தனக்கு நல்ல பெயர் வாங்கிக் கொடுக்கும் என்று ஆண்டனி நம்புகிறார்.