தங்கைக்கு ரூ.1.25 கோடி வைர பிரேஸ்லெட் பரிசளித்த சல்மான் கான்

மும்பை: பாலிவுட் நடிகர் சல்மான் கான் தனது தங்கை அல்விரா அக்னிஹோத்ரிக்கு ரூ.1.25 கோடி மதிப்புள்ள வைர பிரேஸ்லெட்டை பரிசாக அளித்துள்ளார்.

தனக்கு நெருக்கமானவர்களுக்கு விலை உயர்ந்த பரிசுகள் அளிப்பதற்கு பெயர் போனவர் பாலிவுட் நடிகர் சல்மான் கான். இந்நிலையில் சல்மான் தனது தங்கை அல்விரா அக்னிஹோத்ரிக்கு ரூ.1.25 கோடி மதிப்புள்ள வைர பிரேஸ்லெட்டை பரிசாக வழங்கியுள்ளார்.

இந்த பிரேஸ்லெட்டை சல்மானின் மேனேஜரான ரேஷ்மா ஷெட்டியின் நகை வியாபாரி நண்பர் ஸ்பெஷலாக வடிவமைத்தாராம்.

முன்னதாக சல்மான் கத்ரீனா கைஃப் தனது காதலியாக இருந்தபோது அவரின் பிறந்தநாள் அன்று எஸ்யுவி காரை பரிசாக அளித்தார். ஆனால் அவர்கள் பிரிந்த பிறகு கத்ரீனா அந்த காரை விற்றுவிட்டார்.

தற்போது கத்ரீனா கைஃப் ரன்பீர் கபூரை காதலிப்பதாக பாலிவுட்டில் பேசப்படுகிறது.