முகப்பு

செய்திகள்

இந்திப் படங்களைப் பார்த்து காப்பி அடித்த காலம் போய் இப்போது தமிழ்ப் படங்களை ரீமேக் செய்யும் மோகத்திற்கு பாலிவுட் மாறியுள்ளது. அடுத்தடுத்து தமிழ்ப் படங்களை இந்தியில் ரீமேக் பண்ண ஆரம்பித்துள்ளனர்.

இந்த நிலையில் தமிழில் சூர்யா நடிப்பில் வெளியான அயன் படத்தின் ரீமேக்கில் சல்மான்கான் நடிக்கவிருக்கிறாராம். இந்தப் படத்தை பிரபுதேவா இயக்குவார் என்றும் கூறப்படுகிறது. ஏற்கனவே சல்மான் கானை வைத்து வான்டட் படத்தை இயக்கியவர் பிரபுதேவா என்பது நினைவிருக்கலாம். இப்படம் விஜய் நடித்த போக்கிரி படத்தின் ரீமேக் என்பது குறிப்பிடத்தக்கது.

அயன் ரீமேக்கை இயக்குமாறு பிரபுதேவாவை சல்மான் கேட்டுக் கொண்டுள்ளதாகவும், அவரும் சம்மதித்திருப்பதாகவும் செய்திகள் தெரிவிக்கின்றன. டிப்ஸ் நிறுவனம் இப்படத்தைத் தயாரிக்கும் என்று தெரிகிறது.

விரைவில்,த தமிழில் வெளியான உனக்கும் எனக்கும் படத்தின் ரீமேக்கை இந்தியில் இயக்கப் போகிறார் பிரபுதேவா. அதில் ஸ்ருதிஹாசன்தான் திரிஷா ரோலில் நடிக்கப் போகிறார். புதுமுகம் கிரீஷ் குமார் நாயகனாக அறிமுகமாகிறார்.

இந்தப் படத்தை முடித்து விட்டு அயன் இந்திக்கு வருவார் பிரபுதேவா என்கிறார்கள்.