அஜீத், விஜய் ரசிகர்கள் மாதிரி ட்விட்டரில் மல்லுக்கட்டும் சல்லு, ஷாருக்கான் ரசிகர்கள்

நிர்வாண போஸ்டர்

ஆமீர் கானின் பி.க. பட நிர்வாண போஸ்டரை பார்த்த ஷாருக்கான் வாயை வைத்துக் கொண்டு சும்மா இல்லாமல் என்னுடைய ஹேப்பி நியூ இயர் படத்தில் நடித்தவர்கள் அனைவரும் சேர்ந்து நிர்வாணமாக போஸ் கொடுத்து விளம்பரம் தேடலாம் என்று இருக்கிறோம் என்று ஜோக்கடிக்க அது ஆமீரின் ரசிகர்களை கொதிப்படைய வைத்துவிட்டது.

ட்விட்டர்

பாலிவுட்டை ஆள்வது சல்மான், ஆமீர் கான் என்று அவர்களின் ரசிகர்கள் ட்வீட் மேல் ட்வீட் போட அதை பார்த்த ஷாருக் ரசிகர்கள் சும்மா இருப்பார்களா? பதிலுக்கு பாலிவுட்டை ஆள்வது ஷாருக்கான் என்று ட்வீட் செய்து அதை டிரெண்டாக விட்டுள்ளனர்.

நாள் கணக்கில்

இந்த ட்விட்டர் சண்டை ஒரு நாளில் முடிந்துவிடவில்லை. கடந்த சில நாட்களாகவே தொடர்ந்து நடக்கிறது. இன்று கூட ஒன்லி ஷாருக்கான் ரூல்ஸ் என்ற ஹேஷ்டாக் டிரெண்டாகிக் கொண்டிருக்கிறது.

ரசிகர்கள் மட்டுமா?

ரசிகர்கள் தான் இப்படி அடித்துக் கொள்கிறார்கள் என்றால் சல்மானும், ஷாருக்கானும் என் படம் பாக்ஸ் ஆபீ்ஸில் வசூலை அள்ளுகிறதா, உன் படம் அள்ளுகிறதா என்ற வசூல் கோதாவில் குதித்துள்ளனர்.

அப்போ கட்டிப்பிடித்தது

சல்மான் கானும், ஷாருக்கானும் இஃப்தார் நிகழ்ச்சியில் ஒருவரையொருவர் கட்டிப்பிடித்துக் கொண்டனர். அது எல்லாம் அந்த நிமிடம் தான் போல. கட்டிப்பிடி வைத்தியம் சல்லு, ஷாருக் விஷயத்தில் வேலை செய்யவில்லையே.