வாவ் சமந்தா... 15 குழந்தைகளின் உயிரைக் காப்பாற்றிய நடிகை சமந்தா!

சமந்தாவின் தொண்டு நிறுவனம்

2012-ம் ஆண்டு 'பிரதியுஷா' எனும் தொண்டு நிறுவனத்தைத் தொடங்கி ஏழைக் குழந்தைகள் மற்றும் பெண்களுக்கான மருத்துவ உதவிகளை தனது மருத்துவ நண்பர்களோடு செய்து வருகிறார் சமந்தா. இந்த அமைப்பால் பல குழந்தைகள் இதுவரை பயனடைந்திருக்கிறார்கள்.

பிரதியுஷா

'பிரதியுஷா' தொண்டு நிறுவனத்தைத் தொடங்கி, நடத்தி வரும் சமந்தா, குழந்தைகளுக்கு ஏற்படும் மருத்துவக் குறைபாடுகளைக் களைவதற்காக நிதி வேண்டி தன்னுடன் நடித்த நடிகர்களை வைத்து விழிப்புணர்வு நிகழ்ச்சிகளையும் நடத்தியிருக்கிறார்.

இருதய அறுவைச் சிகிச்சை

சமீபத்தில், தனது தொண்டு நிறுவனத்தின் மூலம் 15 குழந்தைகளுக்கு இலவசமாக இருதய அறுவைச் சிகிச்சை செய்துள்ளார். விஜயவாடாவில் நடைபெற்ற இருதய அறுவைச் சிகிச்சை முகாமில் 15 குழந்தைகளுக்கும் அறுவைச் சிகிச்சை செய்யப்பட்டு தற்போது ஆரோக்கியமான இதயத்துடன் வாழ்கிறார்கள்.

ரசிகர்கள் வாழ்த்து

சமந்தாவின் சமூக நோக்கம்கொண்ட செயலுக்காக அவரை பலரும் ட்விட்டரில் வாழ்த்தி வருகிறார்கள். சமந்தாவின் இந்த கருணைப் பார்வை மற்ற திரைப் பிரபலங்களையும், ரசிகர்களையும் சமூகப் பணி செய்யத் தூண்டும் எனவும் பலர் கருத்து தெரிவித்திருக்கின்றனர்.