சம்பவம் இப்போ தகராறு!

அருள் நிதி நடிக்கும் புதிய படத்தின் தலைப்பு தகராறு என்று மாற்றப்பட்டுள்ளது.

வம்சம் படத்தில் அறிமுகமாகி, உதயன், மவுன குரு ஆகிய படங்களில் நடித்தவர் அருள் நிதி. திமுக தலைவர் கருணாநிதியின் பேரன்.

மவுனகுருவின் அசத்தல் வெற்றி, இவரை தமிழ் சினிமாவின் நம்பிக்கை கதாநாயகனாக மாற்றியுள்ளது.

அருள்நிதி அடுத்து நடிக்கும் படத்துக்கு சம்பவம் என்று பெயர் சூட்டப்பட்டிருந்தது. புதிய இயக்குநர் கணேஷ் விநாயக் இயக்கும் இந்தப் படத்துக்கு ரகுநாத் இசையமைக்கிறார்.

பூர்ணா ஜோடியாக நடிக்கிறார்.

இந்தப் படத்தைத் தயாரிக்கப் போவது, துரை தயாநிதியின் க்ளவுட் நைன் மூவீஸ் என்பது குறிப்பிடத்தக்கது. படம் தொடங்கப்பட்ட நிலையில், இப்போது தலைப்பு மாற்றப்பட்டுள்ளது.

அதுதான் இந்த 'தகராறு'!