பல நடிகைகளும் மறுத்த பாலியல் தொழிலாளி வேடத்தில் சான்ட்ரா!

பல நடிகைகளும் நடிக்க மறுத்த பாலியல் தொழிலாளி வேடத்தை தைரியமாக ஏற்று நடித்துள்ளார் டிவி நடிகை சான்ட்ரா எமி.

மனைவி உள்பட பல சன் டிவி சீரியல்களில் நடித்திருப்பவர் பிரஜின். இவர் மனைவிதான் சான்ட்ரா. இவரும் பல சீரியல்களில் நடித்துள்ளார். சுற்றுலா போன்ற படங்களிலும் நடித்துள்ளார்.

சிவப்பு எனக்குப் பிடிக்கும் என்ற படத்தில் பாலியல் தொழிலாளி வேடத்தில் நடிக்க பல நடிகைகளையும் கேட்டுப் பார்த்துள்ளார் இயக்குநர் யுரேகா.

ஆனால் பாத்திரத்தின் தன்மையைக் கேட்டபிறகு யாரும் நடிக்க ஒப்புக் கொள்ளவில்லை. இந்த வேடத்தில் நடித்தால் நிச்சயம் தன்னைப் பற்றி அதேபோன்ற இமேஜ்தான் இருக்கும் எனும் அளவுக்கு அந்த கேரக்டர் இருந்ததாம்.

ஆனால் சான்ட்ரா அதுபற்றி பெரிதாக அலட்டிக் கொள்ளவில்லையாம். அந்த பாத்திரத்தில் நடிப்பதில் உறுதியாக இருந்தாராம். பல காட்சிகளில் துணிச்சலாக நடித்துள்ளாராம்.

ஒரு நடிகை என்ற சாயலே இல்லாத மாதிரி நடித்து அசத்தியுள்ளாராம் சான்ட்ரா.