Don't Miss!
- Lifestyle முட்டை வாங்க போறீங்களா? இப்படி பார்த்து வாங்குங்க... இல்லனா பல ஆபத்துக்களை சந்திக்க வேண்டியிருக்கும்...!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Automobiles தேர்தல் வர நேரத்துல பிரம்மாஸ்திரத்தை கையில எடுத்துட்டாங்க! சுங்கசாவடிகளை தூக்க முடிவு பண்ணிட்டாங்க!
- News தமிழ்நாட்டில் ஐஏஎஸ், ஐபிஎஸ் அதிகாரிகளுக்கு சம்பளம் எவ்வளவு.. இவ்வளவு சலுகைகளா? ஆச்சர்யமான தகவல்கள்
- Sports ஆர்சிபி வேண்டாம் என ஒதுக்கிய 3 வீரர்கள்.. ஐபிஎல் 2024 சீசனில் பட்டையை கிளப்பும் அதிசயம்
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
- Travel 2050 வருஷம் வருறதுக்குள்ள உலகத்துல உள்ள இந்த அழகான இடங்கள் எல்லாம் கடலுக்குள்ள போயிடுமாம்!
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
என் வாழ்க்கையின் சமீபத்திய வடு இது.. நிச்சயம் இதை வெல்வேன்.. நடிகர் சஞ்சய் தத் டச்சிங்!
மும்பை: என் வாழ்க்கையின் சமீபத்திய வடு இதுதான், இதை வெல்வேன் என்று நடிகர் சஞ்சய் தத் தெரிவித்துள்ளார்.
நடிகர் சஞ்சய் தத்துக்கு ஆகஸ்ட் மாதம் மூச்சுத்திணறல் ஏற்பட்டதை அடுத்து, மும்பையில் உள்ள மருத்துவமனை ஒன்றில் அனுமதிக்கப்பட்டார்.
அங்கு அவருக்கு கொரோனா பரிசோதனை மேற்கொள்ளப்பட்டு, நெகட்டிவ் என்பது தெரியவந்தது.
கே.ஜி.எஃப்: சாப்டர் 2 ஷூட்டிங்.. புற்று நோய்க்கு சிகிச்சை பெறும் சஞ்சய் தத் கலந்து கொள்வாரா?
திரும்பி விடுவேன்
தொடர்ந்து மருத்துவக் கண்காணிப்பில் இருந்த அவர், இரண்டு நாட்களுக்குப் பிறகு வீடு திரும்பினார். பின் திடீரென்று ஒரு அறிவிப்பை வெளியிட்டார். அதில், 'மருத்துவ சிகிச்சைக்காக, நடிப்புக்கு சிறிது காலம் இடைவெளி விட்டிருக்கிறேன். கவலைப்பட வேண்டாம், உங்கள் அன்பாலும் வாழ்த்துகளாலும் விரைவில் திரும்புவேன்' என்று கூறி இருந்தார். இது பரபரப்பானது.
நுரையீரல் புற்றுநோய்
அவர் ரசிகர்கள் சமூக வலைதளங்களில் அவருக்கு என்ன பிரச்னை என்று கேட்டு வந்தனர். இந்நிலையில் அவருக்கு நுரையீரல் புற்றுநோய் இருப்பதாகவும் அதற்காக சிகிச்சை எடுக்க இருப்பதாகவும் செய்திகள் வெளியாயின. இதுபற்றி அவரோ, அவர் குடும்பத்தினரோ எதையும்
வெளிப்படையாகத் தெரிவிக்கவில்லை.
உடல்நிலை
அதற்கான சிகிச்சை மும்பையில் உள்ள மருத்துவமனை ஒன்றில் அவருக்குத் தொடங்கப்பட்டது. இதற்கிடையே, சஞ்சய் தத் உடல்நிலை குறித்து வதந்திகளை பரப்ப வேண்டாம் என்று அவர் குடும்பத்தினர் வேண்டுகோள் விடுத்திருந்தனர். இந்நிலையில் மருத்துவ துறையை சேர்ந்த ரசிகை ஒருவருடன் அவர் எடுத்துக்கொண்ட புகைப்படம் சோசியல் மீடியாவில் வைரலானது.
ரசிகர்கள் கவலை
அதில் அவர் மிகவும் பலவீனமாக இருந்ததால் ரசிகர்கள் கவலை தெரிவித்தனர். இந்நிலையில் நடிகர் சஞ்சய் தத், மும்பையில் சலூன் ஒன்றில் முடி வெட்டும் வீடியோவை ஹேர்ஸ்டைலிஷ்ட் ஆலிம் ஹக்கிம் வெளியிட்டுள்ளார். அதில், புதிய ஹேர்ஸ்டைலில் இருக்கும் சஞ்சய் தத், இப்போது பார்க்கிறீர்களே, இதுதான் என் வாழ்க்கையின் சமீபத்திய வடு. இந்த கேன்சரை நிச்சயம் வென்றுவருவேன் என்று கூறுகிறார்.
மீண்டும் வேலைக்கு
பின்னர் நவம்பர் மாதம் கே.ஜி.எஃப்: சாப்டர் 2 படத்தின் ஷூட்டிங்கில் கலந்துகொள்ள இருக்கிறேன். அதற்காக தாடி வளர்க்கிறேன். நாளை (இன்று) ஷம்ஷேரா படத்துக்கு டப்பிங் பேசுகிறேன். மீண்டும் வேலைக்கு திரும்பியதில் மகிழ்ச்சி. இவ்வாறு சஞ்சய் தத் கூறியுள்ளார்.
யஷ் நடிக்கும் கே.ஜி.எஃப்: சாப்டர் 2 படத்தில் அதீரா என்ற வில்லன் கேரக்டரில் நடித்து வருகிறார் சஞ்சய் தத்.
கிளைமாக்ஸ் காட்சி
இதன் ஷூட்டிங் மங்களூரில் இப்போது தொடங்கி நடந்து வருகிறது. இதையடுத்து ஐதராபாத்தில் கிளைமாக்ஸ் காட்சி படமாக்கப்பட இருக்கிறது. இந்தப் படத்தில் சஞ்சய் தத் தொடர்பான காட்சிகள் பெரும்பாலும் முடிவடைந்து விட்டன. சில காட்சிகள் மட்டுமே பாக்கி இருப்பதாக படக்குழு கூறி இருந்தது.