திரும்பவும் சந்தானம் படத்தில் ‘அடை.. தேன் அடை’.. கொண்டாட்டத்தில் ‘பிக் பாஸ்’ மதுமிதா ஆர்மி!

காமெடி பட்டாளம்

மேலும், யோகிபாபு, ஆனந்த்ராஜ், நிழல்கள் ரவி, சித்ரா லெட்சுமணன், மொட்டை ராஜேந்திரன், ஷாரா என ஒரு பெரிய நட்சத்திரப் பட்டாளமே இதில் நடிக்கிறார்கள். பிரபல திரைப்பட விமர்சகர் இட்டிஸ் பிரசாந்தும் ஒரு கதாபாத்திரத்தில் நடிக்க இருக்கிறார்.

மதுமிதா

ஏ1 படத்தின் வெற்றியை தொடர்ந்து சந்தானம் நடிக்கும் படம் என்பதாலும், மிகப்பிரம்மாண்டமான நட்சத்திர பட்டாளம் இடம்பெற்றுள்ளதாலும், டிக்கிலோனா படத்திற்கு ஏற்கனவே அதிக எதிர்பார்ப்பு உள்ளது. அந்த எதிர்பார்ப்பை மேலும் அதிகரிக்கும் வகையில், இப்படத்தின் நட்சத்திரக்கூட்டத்தில் நடிகை மதுமிதாவும் இணைந்துள்ளார்.

ஜாங்கிரி

ஏற்கனவே சந்தானம், மதுமிதா காம்போ ரசிகர்களால் அதிகம் கொண்டாடப்பட்ட கூட்டணி. ஒரு கல் ஒரு கண்ணாடி படத்தில் அவர்களது காமெடி பெரிதும் ரசிக்கப்பட்டது. அப்படத்தில் இருந்து தான் மதுமிதாவின் பெயருடன் ஜாங்கிரி என்ற பெயர் இணைந்தது.

வைரலாகும் செல்பி

எனவே இந்த படத்திலும் அவர்களது காமெடி கெமிஸ்ட்ரி ஒர்க்கவுட் ஆகும் என எதிர்பார்க்கப்படுகிறது. படப்பிடிப்பு தளத்தில் சந்தானமும், மதுமிதாவும் எடுத்துக்கொண்ட செல்பி புகைப்படத்தை வெளியிட்டுள்ளனர். இதனால் படம் மீதான எதிர்பார்ப்பு மேலும் அதிகரித்துள்ளது. இந்த புகைப்படத்தை மதுமிதா ஆர்மியினர் மகிழ்ச்சியுடன் பகிர்ந்து வருகின்றனர்.