ஆர்யாவுடன் இணைந்து நடிக்கத் தயார்..சந்தானம் உறுதி..மீண்டும் காமெடியனா?

சந்தானம்

கண்ணா லட்டு தின்ன ஆசையா என்ற படத்தின் மூலம் கதாநாயகன் என்ற அந்தஸ்தை சந்தானம் பெற்றார். இதைத்தொடர்ந்து, நடித்தால் ஹீரோவாகத்தான் நடிப்பேன் என தொடர்ந்து பல படங்களில் கதாநாயகனாக நடித்தார். இதில் இவர் நடித்த ஒரு சில படங்களைத்தவிர மற்ற படங்கள் வரவேற்பு கிடைக்கவில்லை. சமீபத்தில் இவர் நடிப்பில் வெளியான குலு குலு படம் ஓரளவு ரசிகர்களின் கவனத்தைப் பெற்றது.

கேப்டன் விழா

இந்நிலையில், ஆர்யா நடிப்பில் வெளியாக உள்ள கேப்டன் திரைப்படத்தின் ப்ரோமோஷன் நிகழ்ச்சி சென்னையில் நடைபெற்றது.இதில் கலந்து கொண்டு பேசிய சந்தானம், திடீரென போனில் அழைத்த ஆர்யா, இப்ப என்ன செய்கிறாய் என்று கேட்டார். அதற்கு வீட்டில் சும்மா தான் இருக்கிறேன் என்றேன். உடனே, சரி கேப்டன் பட நிகழ்ச்சிக்கு வந்து சும்மா இரு என்று சொல்லி நிகழ்ச்சிக்கு அழைத்தார் என்றார்.

படக்குழுவுக்கு வாழ்த்து

என்னுடைய நட்பு ஆர்யாவுடன் மிகவும் நெருக்கமான ஒன்று. ஆர்யா உடைய எந்த திரைப்படமாக இருந்தாலும், அதற்கு என் அன்பு இருக்கும். இது ஒரு ஏலியன் படம், இந்த புதுவிதமான கற்பனைக்கே எனது வாழ்த்துகள். திரைப்படங்களில் ஏதாவது சின்ன விஷயமாவது இருக்க வேண்டும் என ரசிகர்கள் நினைக்கிறார்கள். அந்த வகையில கேப்டன் படம் ரசிகர்களுக்கு நிச்சயம் பிடிக்கும் என்றுசந்தானம் நம்பிக்கை தெரிவித்தார்.

ஆர்யாவுடன் இணைந்து நடிப்பேன்

தொடர்ந்து பேசிய சந்தானம், பாஸ் என்கிற பாஸ்கரன் திரைப்படத்தில் அவருக்கு நிகரான கதாபாத்திரத்தில் என்னை நடிக்க அனுமதித்தவர் ஆர்யா, பாஸ் என்கிற பாஸ்கரன் படத்தின் இரண்டாம் பாகம் எடுக்கப்பட்டால், அதில் ஆர்யா தான் கதாநாயகன் என்றால், தாம் மீண்டும் நகைச்சுவை பாத்திரத்தில் நடிக்கத் தயார் என்றார் சந்தானம். ஹீரோவாக மட்டுமே நடித்துக்கொண்டிருந்த சந்தானம் மீண்டும் காமெடியனாக நடிக்க முடிவு செய்திருப்பதாக தகவல் சமீபத்தில் வெளியான நிலையில், அவரே இத்தகவலை உறுதி செய்வது போல பேசியுள்ளார்.