கையில் சீட்டு கட்டு.. வாயில் கேரட்.. சந்தானத்தில் குலு குலு பர்ஸ்ட் லுக் போஸ்டர் !

சந்தானம்

வல்லவனுக்கு புல்லும் ஆயுதம், சக்கப்போடு போடுராஜா, தில்லுக்கு துட்டு, டகால்டி, பிஸ்கோத், பாரிஸ் ஜெயராஜ், டிக்கிலோனா, சபாபதி என பல்வேறு படங்களில் ஹீரோவாக நடித்துள்ளார் சந்தானம். ஏராளமான படங்களில் நடித்த போதும், அனைத்து படங்களுக்கும் ஓர் அளவிற்கு தான் ரீச் கொடுத்தது.

கடைசியா சபாபதி

சந்தானத்தின் நடிப்பில் கடைசியாக சபாபதி வெளியானது. அந்த படம் காமெடி குடும்ப சென்டிமென்ட் கலந்த படமாக உருவாகி இருந்தது. ஆனால், அந்த படமும் பெரிதாக வெற்றிபெறவில்லை. இந்த படத்திற்கு முன்பாக சந்தானம் நடிப்பில் வெளியான டிக்கிலோனா படம் டைம் ட்ராவல் திரைப்படமாக அமைத்து ஓரளவுக்கு பேசப்பட்டது.

பர்ஸ்ட் லுக்

தற்போது சந்தானம் நடித்துள்ள குலு குலு திரைப்படத்தின் பர்ஸ்ட் லுக் போஸ்டரை படக்குழு வெளியிட்டுள்ளது. அந்த போஸ்டரில் கையில் சீட்டு கட்டுடனும்... வாயில் கேரட் வைத்துக்கொண்டு சீட்டு விளையாடிக் கொண்டு இருக்கிறார் சந்தானம். அவரின் பின்னால் லாரி ஒன்று கவிழ்ந்து கிடக்கிறது. இந்த போஸ்டரில் சந்தானம் வித்தியாசமாக இருக்கிறார்.

விரைவில் திரையரங்கில்

இயக்குநர் ரத்னகுமார் இயக்கத்தில் நடிகர் சந்தானம் நடித்துள்ள இப்படத்தில் அதுல்யா சந்திரா நாயகியாக நடித்துள்ளார். நமிதா கிருஷ்ணமூர்த்தி, பிரதீப் ராவத், மரியம் ஜார்ஜ், சாய் தீனா, லொள்ளு சபா மாறன், சேசு ஆகியோர் நடித்துள்ளனர். ஊர், ஊராகச் சுற்றித்திரியும் நபராக சந்தானம் நடித்துள்ளார். சந்தோஷ் நாராயணன் இசையமைத்துள்ள இப்படத்தின் படப்பிடிப்பு சமீபத்தில் முடிந்து மற்ற பணிகள் நடந்து வரும் நிலையில், ஜூன் மாதம் படம் திரையரங்குகளில் வெளியிடப்படும் என படக்குழு அறிவித்துள்ளது.

பல படம் கைவசம்

கண்ணாயிரம், மண்ணவன் வந்தானடி, சர்வர் சுந்தரம் ஆகிய படங்கள் சந்தானம் கை வசம் உள்ளனர். மேலும், கன்னட படம் ஒன்றில் கதாநாயகனாக நடிக்கவுள்ளதாக தகவல் வெளியாகியுள்ளது. பிரசாந்த் ராஜ் என்பவர் இயக்கவுள்ள படத்தில் சந்தானம் நடிக்கவிருப்பதாகவும் , இந்த படத்தின் படப்பிடிப்பு விரைவில் துவங்க உள்ளதாகவும் கூறப்படுகிறது.