Click it and Unblock the Notifications
ஜெயம் ரவிக்கும், வரலக்ஷ்மி சரத்குமாருக்கும் உள்ள ஒற்றுமை
அப்பா சரத்குமார் வழியில் திரையுலகிற்கு வந்துள்ளவர் வரலக்ஷ்மி. அவர் சிம்புவுடன் போடா போடி என்ற படத்தில் அறிமுகமாகிறார். அதையடுத்து விஷாலுடன் மதகஜ ராஜாவில் ஜோடி சேர்கிறார். மீண்டும் விஷாலுடன் சேர்ந்து அவர் ஒரு படத்தில் நடிக்கவிருக்கிறார் என்று பேச்சு அடிபடுகிறது.
வரலக்ஷ்மி நடிக்கும் போடா போடி வரும் 2013ம் ஆண்டு காதலர் தினத்தன்று ரிலீஸ் ஆகும் என்று கூறப்படுகிறது. இந்நிலையில் அவருக்கும், விஷாலுக்கும் இடையே காதல் தீ பற்றிக் கொண்டதாக கோடம்பாக்கம் முழுவதும் பேச்சாகக் கிடந்தது.
இந்நிலையில் வரலக்ஷ்மியைப் பற்றி ஒரு சுவாரஸ்யமான தகவல் கிடைத்துள்ளது. ஹீரோக்களில் ஜெயம் ரவிக்கு கிக் பாக்சிங் தெரியும். அதே போன்று ஹீரோயின்களில் வரலக்ஷ்மிக்கு கிக் பாக்சிங் தெரியுமாம். அதனால் அவரிடம் வம்பு இழுப்பதற்கு முன்பு இந்த தகவலை நினைவில் வைத்துக் கொள்ளவும்.
Continue with Google