ட்ராபிக் ரீமேக் - தயாரிப்பு ராதிகா; ஹீரோ சரத்குமார்!

ராஜேஷ் பிள்ளை இயக்கத்தில் மலையாளத்தில் தயாராகி பெரும் வெற்றி பெற்ற படம் ட்ராபிக்.

விறுவிறு த்ரில்லர் படமான இதைப் பார்த்த கமல், பெரிதும் பாராட்டினார். கமல் முக்கிய வேடத்தில் நடிக்க, மேலும் பிரபல நட்சத்திரங்களை வைத்து இந்தப் படத்தை தமிழில் ரீமேக் செய்ய நினைத்தார் ராஜேஷ்.

ஆனால் அந்த திட்டம் நிறைவேறவில்லை. அதனால் இந்தியில் எடுக்கிறார் ராஜேஷ்பிள்ளை. ஹீரோவாக அஜய் தேவ்கன் நடிக்கிறார்.

இந்த நிலையில் ட்ராபிக்கை தமிழில் ரீமேக் செய்கிறார் ராதிகா. அவரது ராடான் மீடியா ஒர்க்ஸ் நிறுவனம்தான் தயாரிக்கிறது. ஹீரோவாக சரத்குமார் நடிக்கிறார். அவருடன் பிரகாஷ்ராஜ், நாசர், சேரன் மற்றும் பிரசன்னா முக்கிய வேடங்களில் நடிக்கிறார்கள்.

இந்தப் படத்தின் பூஜை நேற்று வியாழக்கிழமை சென்னையில் நடந்தது. ஷஹீத் காமத் இயக்குகிறார்.

படத்துக்கு இன்னும் பெயர் அறிவிக்கப்படவில்லை.