ரிலீஸான இரண்டே நாட்களில் ரூ. 100 கோடி வசூல்: சர்கார் புதிய சாதனை #Sarkar100CrIn2Days

ரூ. 100 கோடி

சர்கார் படம் ரிலீஸான இரண்டே நாட்களில் ரூ. 100 கோடி வசூலித்துள்ளது படக்குழுவை மகிழ்ச்சி அடைய வைத்துள்ளது. விஜய் படம் ஒன்று இரண்டு நாட்களில் ரூ. 100 கோடி வசூலித்துள்ளது இதுவே முதல் முறை என்பது குறிப்பிடத்தக்கது. இதனால் விஜய் ரசிகர்கள் குஷியில் உள்ளனர். #Sarkar100CrIn2Days

விஜய்

விஜய்யின் 6 படங்கள் ரூ. 100 கோடி வசூல் செய்துள்ளது. ஆனால் சர்கார் தான் அதிவேகத்தில் ரூ. 100 கோடி வசூல் செய்த படம். இதை விஜய் ரசிகர்கள் கொண்டாடத் துவங்கிவிட்டனர்.

ஆவல்

கதை பிரச்சனையில் சிக்கியது சர்கார் படம். ஆனால் அப்படி என்ன தான் கதையாம் என்பதை தெரிந்து கொள்ளும் ஆவலில் பலர் படத்தை பார்த்தனர். கதை பிரச்சனை கூட சர்காருக்கு விளம்பரமாக மாறிவிட்டது. மேலும் பாஜக மாநில தலைவர் தமிழிசை சவுந்தரராஜன், தேசிய செயலாளர் ஹெச். ராஜா ஆகியோர் படத்தை விமர்சித்ததும் கை கொடுத்துள்ளது.

வசூல்

வார நாட்களிலேயே சர்கார் இப்படி வசூல் செய்துள்ளது. இந்நிலையில் வார இறுதி நாட்கள் வருவதால், வசூலில் நிச்சயம் மேலும் பல புதிய சாதனைகள் படைக்கும் என்று எதிர்பார்க்கப்படுகிறது.