ஐந்து கண்டங்கள்.. எண்பது நாடுகள்… மாஸாக ரிலீஸாகும் சர்கார்!

பிரம்மாண்டம்

திரைகடல் ஓடி திரவியம் தேடு என்பதை மெய்ப்பிக்கும் விதமாக உலகெங்கும் தமிழர்கள் பரவி வாழ்கின்றனர். அப்படி பல நாடுகளில் வசிக்கும் தமிழர்களையும், விஜய் ரசிகர்களையும் சர்கார் ஒன்றிணைக்கப் போகிறது. ஒட்டுமொத்த விஜய் ரசிகர்கள் மற்றும் உலகத் தமிழர்களின் கொண்டாட்ட காரணியாக சர்காரை மாற்ற படக்குழு திட்டமிட்டுள்ளது.

மெர்சல்

அமெரிக்காவில் மட்டுமே சர்கார் திரைப்படம் 200க்கும் மேற்பட்ட திரையரங்குகளில் ரிலீஸாக உள்ளது. இது இதற்கு முந்தைய விஜய் படங்களுக்கு கிடைத்த ஓபனிங்கை விட அதிகம். மெர்சல் திரைப்படம் 127 திரையரங்குகளில் ரிலீஸானது. ஐந்தாம் தேதியே அமெரிக்காவில் பிரிமியர் காட்சியை திரையிட திட்டமிட்டுள்ளனர். அமெரிக்க ரிலீஸ் வேலைகளில் நர்மதா ட்ராவல்ஸ் மற்றும் கோலிவுட் மூவீஸ் யு.எஸ்.ஏ மும்முரமாக ஈடுபட்டுள்ளது.

ரஷ்யா

போலந்து, மெக்சிகோ, பிலிப்பைன்ஸ், நியூசிலாந்து, ரஷ்யா உக்ரைன், துபாய், சிங்கப்பூர் என ஐந்து கண்டங்களில் மொத்தம் எண்பது நாடுகளில் சர்கார் ரிலீஸாக உள்ளது. மொத்தம் 1200 திரையரங்குகளில் ரிலீஸாகிறது. ஏ&பி குரூப் மற்றும் டி ஃபோகஸ் நிறுவனங்கள் சர்கார் ரிலீஸ் வேலைகளில் தீவிரமாக ஈடுபட்டு வருகின்றன.

அதிக நாடுகள்

அமெரிக்கா, வட அமரிக்கா, ஆஸ்திரேலியா, ஆசியா மற்றும் ஐரோப்பா என ஐந்து கண்டங்களில் சர்கார் ரிலீஸாக உள்ளது. இதுவரை எந்த தமிழ்த் திரைப்படமும் இத்தனை பிரம்மாண்டத்துடன் ஐந்து கண்டங்களில் ரிலீஸானது இல்லை என்பது குறிப்பிடத்தக்கது. இதற்கு முன்பு சீமராஜா திரைப்படம் போலந்தில் ரிலீஸானது.