ஆயுத பூஜை பண்டிகையில் வெளியாகும் சசிகுமாரின் ராஜவம்சம்... அதிகாரப்பூர்வ அறிவிப்பு !

முழுநேர நடிகராக

தமிழ் மண்ணிற்கு ஏற்ற முகம் அலட்டிக் கொள்ளாத நடிப்பு என தமிழ் சினிமாவில் வெற்றிகரமான ஹீரோவாக வலம் வந்து கொண்டிருக்கும் சசிகுமார் ஆரம்பத்தில் ஒரு சில திரைப்படங்களை இயக்கி வெற்றி கண்டார் அதன் பிறகு முழுநேர நடிகராக மாறி அடுத்தடுத்து ஹிட் படங்களை கொடுத்து வருகிறார்.

நட்பை மையப்படுத்திய படங்களில்

குறிப்பாக இவரது நடிப்பில் வரும் திரைப்படங்கள் நட்பை மையப்படுத்திய படங்களாக வெளிவர ரசிகர்களுக்கு ஏற்றார்போல் நட்பை மையப்படுத்திய படங்களில் தொடர்ந்து நடித்து வருகிறார். ஹீரோவாக அடுத்தடுத்த படத்தில் சசிகுமார் நடித்து வந்தாலும் கொரோனா சூழல் காரணமாக இவரது படங்கள் வெளியாகாமல் நிறுத்தி வைக்கப்பட்டது.

கூட்டுக் குடும்பத்தை பற்றி

அந்த வகையில் இயக்குனர் கேவி கதிர்வேலு இயக்கத்தில் சசிகுமார் நடித்துள்ள திரைப்படம் ராஜவம்சம். இயக்குனர் சுந்தர் சி இடம் உதவி இயக்குனராக பணிபுரிந்த கேவி கதிர்வேலு இயக்கியுள்ள இந்த திரைப்படம் முழுக்க முழுக்க கூட்டுக் குடும்பத்தை பற்றிய படமாக உருவாகியுள்ளது. மூத்த நடிகர்கள் விஜயகுமார், ராதாரவி,ராஜ்கபூர்,தம்பி ராமையா, மனோபாலா, சதீஷ், ரமேஷ் கண்ணா ,சிங்கம்புலி,யோகிபாபு, கும்கி அஸ்வினி என கிட்டத்தட்ட 40க்கும் மேற்பட்ட முன்னணி நடிகர் மற்றும் நடிகைகள் இதில் நடித்துள்ளனர். இந்த படத்தில் சசிகுமாருக்கு ஜோடியாக நிக்கி கல்ராணி நடித்துள்ளார்.

அக்டோபர் 14

ராஜ வம்சம் படத்தின் டீசர் சில மாதங்களுக்கு முன்பு வெளியாகி நல்ல வரவேற்பை பெற்றது கொரோனாவால் திரையரங்குகள் மூடப்பட்டதால் வெளியாகாமல் நிறுத்தி வைக்கப்பட்டிருந்தது. இந்த நிலையில் படக்குழு ராஜவம்சம் ரிலீஸ் தேதியை தற்போது அறிவித்து உள்ளது. அதன்படி அடுத்த வரும் ஆயுதபூஜை பண்டிகையை முன்னிட்டு அக்டோபர் 14-ஆம் தேதி ராஜவம்சம் திரையரங்குகளில் வெளியாகும் என்று அதிகாரப்பூர்வ அறிவிப்பை படக்குழு அறிவித்துள்ளது.