சசிகுமாரின் கிடாரி பெரிய வில்லங்கமாமே? - டீசர் ரிலீஸ்

கிடாரி படம்

சில தினங்களுக்கு முன் படத்தின் பர்ஸ்ட் லுக் வெளியாகி ரசிகர்களிடையே நல்ல ஒரு வரவேற்பை பெற்றது. தொடர்ந்து ஒரு பாடலும் வெளியிடப்பட்டது.
கிடாரி பாடலும் ரசிகர்களிடையே நல்ல வரவேற்பை பெற மிகுந்த உற்சாகத்தில் உள்ளது படக்குழு. படத்தில் மொத்தம் 7 பாடல்கள். அனைத்தையும் ஏற்கனவே முடித்து கொடுத்துள்ளார், தர்புகா சிவா.

கிடாரி டீசர் ரிலீஸ்

ஆக்ஷன், காதல், சென்டிமெண்ட் அனைத்தும் கலந்த ஜனரஞ்சக படமாம் கிடாரி. நேற்று வெளியானது. கிடாரி எப்படிப்பட்டவன் என்பதை விவரிக்கிறது இந்த டீசர்.

கிடாரி வில்லங்கமோ

கையில் கத்தியும், கண்களில் கோபத்தோடு நிற்கிறார் சசிகுமார். கிடாரியே பெரிய வில்லங்கம் என்கிறார் ஒருவர். ஒருவேளை கத்தியும் ரத்தமுமாய் இருக்குமோ என்று ஒரு வித எதிர்பார்ப்பை எற்படுத்தியுள்ளது டீசர்.

படம் ரிலீஸ் எப்போது

ஆகஸ்டு மாதம் இரண்டாம் தேதி கிடாரி ஆடியோ வெளியீட்டையும், செப்டம்பர் மாதம் 1 ஆம் தேதி படத்தினை வெளியிடவும் படக்குழுவினர் முடிவு செய்துள்ளதாக தகவல் வெளியாகியுள்ளது. கிடாரி அனைவரையும் கவருவானா பார்க்கலாம்.