தெலுங்கு, இந்தியில் ரீமேக் ஆகும் சதுரங்க வேட்டை!

சென்னை: நட்டி என்கிற நட்ராஜ் ஹீரோவாக நடித்து வெளியாகியிருக்கும் சதுரங்க வேட்டை படம் தெலுங்கு மற்றும் இந்தியில் ரீமேக் செய்யப்படுகிறது.

ஹெச்.வினோத் இயக்கத்தில் வெளியான இப்படத்தை இயக்குநரும், நடிகருமான மனோபாலா தனது பிக்சர் ஹவுஸ் நிறுவனம் மூலம் தயாரித்தார்.

லிங்குசாமியின் திருப்பதி பிரதர்ஸ் நிறுவனம் வெளியிட்டது.

படத்துக்கு தமிழில் அபார வரவேற்பு கிடைத்துள்ளது. சமீபத்தில் வெளியான படங்களிலேயே பெரிய வெற்றி சதுரங்க வேட்டைக்கு கிடைத்திருப்பதாக பாக்ஸ் ஆபீஸ் வட்டாரங்கள் தெரிவிக்கின்றன.

இதைத் தொடர்ந்து இந்தப் படத்தை தெலுங்கு மற்றும் இந்தியில் ரீமேக் செய்வதற்கான முயற்சிகள் தொடங்கியுள்ளன. இந்தியில் திருப்பதி பிரதர்ஸ் நிறுவனமே இந்தப் படத்தை ரீமேக் செய்யப் போகிறதாம்.

அக்ஷய் குமார் அல்லது அஜய் தேவ்கன் ஆகிய இருவரில் ஒருவர் ஹீரோவாக நடிப்பார் என்கிறார்கள்.

தெலுங்கு ரீமேக்கில் அல்லு அர்ஜூன் ஹீரோவாக நடிக்க ஒப்பந்தம் ஆகியுள்ளார்.