ஷாருக்-தீபிகாவின் 'சென்னை எக்ஸ்பிரஸில்' பாலிவுட் கிளம்பிய ஆச்சி, சத்யராஜ்!

5 ஆண்டுகளுக்கு பின் சேரும் ஷாருக்-தீபிகா

ஓம் சாந்தி ஓம் படத்தில் ஷாருக்கான் ஜோடியாக தீபிகா நடித்தது தான் அவருக்கு முதல் படம். அதன் பிறகு 5 ஆண்டுகள் கழித்து தற்போது சென்னை எக்ஸ்பிரஸ் படத்திற்காக இருவரும் ஒன்று சேர்ந்துள்ளனர்.

37 ஆண்டுகள் கழித்து பாலிவுட்டில் மனோரமா

கடந்த 1975ம் ஆண்டு குன்வரா பாப் என்ற இந்தி படத்தில் நடித்த மனோரமா 37 ஆண்டுகள் கழித்து மீண்டும் பாலிவுட் சென்றுள்ளார். சென்னை எக்ஸ்பிரஸில் தமிழ் பெண்ணாக வரும் தீபிகாவின் அத்தையாக நடிக்கிறார் ஆச்சி.

பாலிவுட்டில் என்ட்ரி கொடுக்கும் சத்யராஜ்

100 படங்களுக்கு மேல் நடித்துள்ள சத்யராஜ் தற்போது ஷாருக்கான் படம் மூலம் பாலிவுட் செல்கிறார். இந்த படத்தில் சத்யராஜ் தான் நாயகி தீபிகாவின் அப்பா.

தீபிகாவின் சித்தியாக ஷர்மிளி

தமிழில் கவர்ச்சி கதாபாத்திரங்களில் நடித்து பெயர் வாங்கிய ஷர்மிளி சென்னை எக்ஸ்பிரஸில் தீபிகாவின் சித்தியாக நடிக்கிறார்.