'விளம்பரத்'தில் ஹீரோவானார் சாவித்ரி பேரன்!

மறைந்த நடிகர் ஜெமினிகணேசன்-சாவித்திரியின் மகள் வயிற்று பேரன் அபிநய், 'விளம்பரம்' என்ற படத்தின் மூலம் கதாநாயகனாக தமிழ் சினிமாவில் நுழைகிறார்.

அபிநய், டேபிள் டென்னிஸ் வீரராக இருந்தவர். இவரை, 'யங் இண்டியா' என்ற தெலுங்கு படத்தில் டைரக்டர் தாசரி நாராயணராவ் அறிமுகம் செய்தார். தமிழில் 'விளம்பரம்' படத்தின் மூலம் அபிநய் கதாநாயகன் ஆகிறார்.

இந்த படத்தில் அவருடன் ஐரா, 'அட்டகத்தி' ஐஸ்வர்யா, தம்பி ராமய்யா, சுனில் ஷெட்டி, சோனா மற்றும் பலர் நடிக்கிறார்கள்.

இந்த படத்தின் கதை, திரைக்கதை, வசனம் எழுதி டைரக்டு செய்பவர், சூரியநிதி. தயாரிப்பு: ஜெம் புரொடக்ஷன்ஸ்.

படம் முழுவதும் மலேசியாவில் உள்ள கோலாலம்பூர், புத்திர ஜெயா ஆகிய இடங்களில் வளர்ந்து வருகிறது.