சீனு ராமசாமியின் அடுத்த படம் இடம் பொருள் ஏவல்!

By Shankar

| Published: Thursday, September 19, 2013, 11:20 [IST]

சென்னை: இயக்குநர் சீனு ராமசாமி தனது அடுத்த படத்துக்கு இடம் பொருள் ஏவல் என்று தலைப்பிட்டுள்ளார்.

இந்தப் படத்தை லிங்கசாமியின் திருப்பதி பிரதர்ஸ் தயாரிக்கிறது.

கூடல் நகர் மூலம் இயக்குநரானவர் சீனுராமசாமி. ஆனால் அடுத்து அவர் இயக்கிய தென்மேற்குப் பருவக்காற்றுதான் அவரை இயக்குநராக நிலை நிறுத்தியது.

அந்தப் படத்துக்குப் பிறகு நீர்ப்பறவை படத்தை இயக்கினார். இதில் விஷ்ணு - சுனைனா நடித்திருந்தனர். வெளிநாட்டுத் திரைப்பட விழாக்களில் நல்ல பெயர் கிடைத்தது இந்தப் படத்துக்கு.

அடுத்து இயக்குநர் லிங்குசாமியின் திருப்பதி பிரதர்ஸ் நிறுவனத்துக்காக புதிய படம் இயக்குகிறார் சீனு ராமசாமி.

இதுகுறித்து அவர் வெளியிட்டுள்ள செய்தியில், "உங்கள் நல்வாழ்த்துக்களுடன் திருப்பதி பிரதர்ஸ் இயக்குனர் லிங்குசாமி தயாரிப்பில் 'இடம் பொருள் ஏவல்' என்ற தமிழ்த் திரைப்படம் துவங்குகிறேன். மற்ற தகவல்களை தம்பி நிகில் முருகன் (அவரது பிஆர்ஓ) அறிவிப்பார்," என குறிப்பிட்டுள்ளார்.

சீக்கிரம் டீடெய்ல்ஸ் கொடுங்க நிகில்!!