Don't Miss!
- Finance தேர்தல் பத்திரம்: தனிநபர்கள் நன்கொடை செய்த ரூ.358.91 கோடி.. முதல் இடத்தில் யார் தெரியுமா..?
- News Go Back Modi.. சேலத்தில் பிரதமர் மோடிக்கு எதிராக கறுப்பு கொடி- திவிக, விசிக, இடதுசாரிகள் கைது!
- Lifestyle 3 குழந்தைகளின் தந்தை விவாகரத்து கேட்டு நீதிமன்றத்துக்கு ஓடிய வினோதம்... காரணத்தை கேட்டு மயக்கம் போட்ட நீதிபதி!
- Sports இவ்ளோ திறமையா? ரோஹித்தை வியக்க வைத்த இளம் வீரர்.. இதை மட்டும் செய்தால் டி20 அணியிலும் இடம் உறுதி
- Automobiles 10,000கிமீ கடந்து குமரி வந்த எலெக்ட்ரிக் ஸ்கூட்டர்.. நம்பி வாங்கலாம் போலிருக்கே! இதோட விலை எவ்வளவாக இருக்கும்?
- Technology WhatsApp-ல ஸ்டேட்டஸ் போடுறீங்களா? வருது புது அப்டேட்.. டபுள் சந்தோஷத்தில் பயனர்கள்.. என்ன மேட்டர் தெரியுமா?
- Education கல்வித்தரத்தில் சமரசம் செய்துகொள்ளாத எம்ஓபி வைஷ்ணவ் மகளிர் கல்லூரி
- Travel தமிழ்நாட்டின் அரண்மனை கிராமம் இது தான் – தமிழர்கள் ஒவ்வொருவரும் கட்டாயம் பார்க்க வேண்டியம் இடம்!
விஜய்சேதுபதியின் அடுத்த படமும் சீக்கிரம் ரிலீஸ் ஆகுதாம்.. அட்டகாச அப்டேட் கொடுத்த இயக்குநர்!
சென்னை: நடிகர் விஜய்சேதுபதியின் மாமனிதன் விரைவில் வெளியாகப் போவதாக இயக்குநர் சீனு ராமசாமி தொடர்ந்து அறிவிப்புகளை வெளியிட்டு வருகிறார்.
விஜய்சேதுபதி நடிப்பில் இந்த மாதம் மூன்று படங்கள் வரிசையாக வெளியாகின.
ஆனால், ஒன்று கூட எதிர்பார்த்த அளவுக்கு இல்லை என ரசிகர்கள் மிகப்பெரிய ஏமாற்றம் அடைந்த நிலையில், மாமனிதன் விஜய்சேதுபதிக்கு கம்பேக் கொடுக்கும் என ரசிகர்கள் காத்திருக்கின்றனர்.
விஜய் சேதுபதி நடிக்கும் இந்தி வெப்சீரிஸில் இணைந்த நடிகை ரெஜினா கெஸன்ட்ரா!
குரு சிஷ்யன் உறவு
இயக்குநர் சீனு ராமசாமிக்கும் மக்கள் செல்வன் விஜய்சேதுபதிக்கும் இடையே உள்ள உறவு என்பது குரு சிஷ்யன் உறவு என பல மேடைகளில் விஜய்சேதுபதியே வெளிப்படையாக கூறியுள்ளார். விஜய்சேதுபதியை வைத்து மண் சார்ந்த தரமான படங்களை தொடர்ந்து கொடுத்து வருகிறார் சீனு ராமசாமி.
தேசிய விருது
2010ம் ஆண்டு இயக்குநர் சீனு ராமசாமி இயக்கத்தில் விஜய்சேதுபதி, வசுந்தரா, சரண்யா பொன்வண்ணன் நடிப்பில் வெளியான தென்மேற்கு பருவக்காற்று திரைப்படம் சிறந்த தமிழ் படத்திற்கான தேசிய விருதை தட்டிச் சென்றது. அந்த படம் தான் விஜய்சேதுபதிக்கு தமிழ் சினிமாவில் மிகப்பெரிய திருப்புமுனையை ஏற்படுத்திக் கொடுத்தது.
தர்மதுரை
மீண்டும் சீனு ராமசாமி இயக்கத்தில் விஜய்சேதுபதி நடித்த தர்மதுரை திரைப்படம் மிகப்பெரிய வெற்றியை பெற்றுத் தந்தது. தமன்னா, ஐஸ்வர்யா ராஜேஷ் மற்றும் சிருஷ்டி டாங்கே உள்ளிட்டோர் நடிப்பில் வெளியான அந்த படத்தை தொடர்ந்து மீண்டும் சீனுராமசாமியுடன் விஜய்சேதுபதி கைகோர்த்த இடம் பொருள் ஏவல் திரைப்படம் இன்னமும் வெளியாகவில்லை.
மீண்டும் இணைந்து
இந்நிலையில், மீண்டும் மாமனிதன் படத்தில் அதே வெற்றிக் கூட்டணி இணைந்து பணியாற்றி உள்ளது. இந்த படத்தில் விஜய்சேதுபதிக்கு ஜோடியாக நடுவுல கொஞ்சம் பக்கத்த காணோம், சூப்பர் டீலக்ஸ் உள்ளிட்ட படங்களில் விஜய்சேதுபதி உடன் இணைந்து நடித்த காயத்ரி நடித்துள்ளார்.
ஆட்டோக்காரர்
பாட்ஷா படத்தில் ஆட்டோ ஓட்டுநராக ரஜினிகாந்த் நடித்து அசத்திய நிலையில், மாமனிதன் படத்தில் விஜய்சேதுபதி ஆட்டோ டிரைவராக நடித்துள்ளார். விரைவில் இந்த படம் வெளியாகப் போவதாக தொடர்ந்து இயக்குநர் சீனு ராமசாமி ட்வீட்களை பதிவிட்டு வருகிறார்.
வடிவேலு நடிக்க வேண்டிய படம்
"#மாமனிதன் படத்தின் கதையை முதலில் சகோதரர் வடிவேலு கேட்டு என்னை வாழ்த்தி "மேட்டர் ஹெவியா இருக்கே"என்றார். பிரபுதேவா கண்கலங்கினார் ஹிந்தி படத்தால் அவர் வர இயலவில்லை. மம்மூட்டி இசைந்தார் ஆனால் ஈடேரவில்லை. முடிவில் வந்தது மக்கள் செல்வன் விஜய்சேதுபதி மிக அருகில் நல்ல சேதி." என முதலில் ட்வீட் போட்டிருந்த நிலையில், இன்னொரு ட்வீட்டையும் தட்டி விட்டிருக்கிறார் இயக்குநர் சீனு ராமசாமி. சீக்கிரமே விஜய்சேதுபதி ரசிகர்களுக்கு மிகப்பெரிய விருந்து காத்திருக்கிறது.
Recommended Video
அடுத்த மாத லிஸ்ட்
இந்த மாதம் விஜய்சேதுபதி நடிப்பில் லாபம், துக்ளக் தர்பார், அனபெல் சேதுபதி என மூன்று படங்கள் வெளியான நிலையில், அடுத்த மாத லிஸ்ட்டில் மாமனிதன் படம் இடம்பெறுகிறதா என ரசிகர்கள் கேள்வி எழுப்பி வருகின்றனர். மேலும், கடைசி விவசாயி, யாதும் ஊரே யாவரும் கேளிர், விக்ரம் உள்ளிட்ட பல படங்கள் அடுத்தடுத்து வெளியாக உள்ளன.