கேமரா முன் வெட்கப்பட்ட சின்ன மச்சான்..பாத்தா அப்படி தெரியலையே..!

சார்லி சாப்ளின்

சார்லி சாப்ளின் 2 திரைப்படத்தில் செந்திலும் அவர் மனைவி ராஜலட்சுமியும் இணைந்து பாடிய சின்ன மச்சான் செவத்த மச்சான் பாடல் பட்டி தொட்டியெங்கும் ஹிட் அடித்து. குரு பெயர்ச்சி வருவதற்கு முன்பே அவர் வீட்டில் குரு குடித்தனம் போய்விட்டார் போல. பாடகராக கலக்க வந்தவர், ஒரு கலக்கு கலக்கி இப்போது நடிகராக மாறிவிட்டார்.

திட்டம்

செல்லத் தங்கையா இயக்கத்தில் கரிமுகன் என்ற படத்தில் கதாநாயகனாக நடித்து வருகிறார். இப்படம் பற்றிப் பேசிய செந்தில் சூப்பர் சிங்கர் நிகழ்ச்சியில் கலந்துகொள்வதற்கு முன்பே சினிமாவில் பணியாற்ற வேண்டுமென திட்டமிட்டதாகக் கூறுகிறார்.

சென்னை

செந்தில் நடித்துவரும் கரிமுகன் திரைப்படம் குடும்பப் பொழுதுபோக்குச் சித்திரமாக தயாராகிவருகிறது. அவரின் சொந்த ஊரான புதுக்கோட்டை அருகில் ஒரு கிராமத்தில் வசிக்கும் கதாநாயகன் தன்னுடை குடும்பப் பிரச்சனையை தீர்ப்பதற்காக சென்னை வரும்போது நடக்கும் விஷயங்களே படத்தின் கருவாகும்.

கூச்சம்

ரியாலிட்டி ஷோவில் பாடிக்கொண்டிருக்கும் போதே சந்து கேப்பில் சிந்து பாடுவதுபோல் ஐம்பது சதவிகித படப்பிடிப்பை நிறைவு செய்துவிட்டனர். இப்போது பரபரப்பாக படப்பிடிப்பு நடைபெற்று வருகிறது. பொதுவாக மேடை நிகழ்ச்சிகளில் பாடும்போதே நாடகத்தனமான விஷயங்களைச் செய்வோம். ஆரம்ப காலத்தில் கேமரா முன்பு நடிக்க கூச்சமாக இருந்தது எனத் தெரிவித்தார்.

பாட்டும் நானே

கரிமுகன் படத்தை இயக்கும் தங்கையாவே இப்படத்திற்கு இசையும் அமைக்கிறார். இப்படத்தில் இரண்டு பாடல்களை செந்தில் பாடியிருக்கிறார். காயத்ரி என்ற கேரளப் பெண் செந்தில் கணேஷுக்கு ஜோடியாக நடிக்கிறார்.