பாஸ் என்கிற பாஸ்கரன் 2-ம் பாகத்துக்கு தயாராகும் ஆர்யா - நயன் - சந்தானம்!

பெரும் வெற்றி பெற்ற பாஸ் என்கிற பாஸ்கரன் படத்தின் இரண்டாம் பாகத்தை எடுக்கிறார்கள்.

இந்தப் படத்திலும் ஆர்யா, நயன்தாரா, சந்தானம் நடிக்கிறார்கள். கூடுதலாக தமன்னா முக்கிய வேடத்தில் நடிக்கிறார்.

ராஜேஷ்தான் இந்தப் படத்தையும் இயக்குகிறார்.

பாஸ் என்கிற பாஸ்கரன் 2010-ம் ஆண்டு வெளியாகி பெரும் வெற்றி பெற்றது. உதயநிதி ஸ்டாலின் இந்தப் படத்தை வாங்கி வெளியிட்டார்.

இந்தப் படத்தின் இரண்டாம் பாகத்தை தயாரிப்பது குறித்து ஏற்கெனவே இயக்குநர் ராஜேஷ் பேசியிருந்தார்.

படம் குறித்து ராஜேஷ் கூறுகையில், "இரண்டாம் பாக ஐடியாவைச் சொன்னதுமே ஆர்யா, நயன்தாரா ஒப்புக் கொண்டனர். தமன்னாவும் இப்போது இணைந்துள்ளார். வழக்கம்போல சந்தானமும் முக்கிய வேடத்தில் நடிக்கிறார், என்றார்.