Click it and Unblock the Notifications
வருகிறது பீட்சா 2... ஆனால் ஹீரோ விஜய் சேதுபதி இல்லை!!
கார்த்திக் சுப்புராஜ் இயக்கத்தில், சிவி குமரன் தயாரிப்பில் வந்த படம் பீட்சா. விஜய் சேதுபதி - ரம்யா நம்பீசன் ஜோடியாக நடித்திருந்தனர்.
படம் வெளியாகி அபார வெற்றியைப் பெற்றது. 2012-ன் மிகச் சிறந்த படமாக விமர்சகர்களால் போற்றப்பட்டது.
இந்தப் படத்தின் வெற்றிக்கு முக்கிய காரணம் கச்சிதமான திரைக்கதை, அதை அட்டகாசமாக தன் தோளில் சுமந்த ஹீரோ விஜய் சேதுபதி.
இப்போது பீட்சா படத்தின் இரண்டாம் பாகத்தை தயாரிக்கிறார் சிவி குமரன். ஆனால் இந்த முறை மொத்தமாக யூனிட்டே மாறியிருக்கிறது.
இந்த இரண்டாம் பாகத்தை இயக்கப் போகிறவர் தீபன் சக்ரவர்த்தி. சில குறும்படங்கள் செய்திருக்கிறார். (கார்த்திக் சுப்புராஜும் குறும்படங்கள் செய்து நேராக பீட்சா இயக்கியவர்தான்)
நாயகனாக நடிப்பவர் வைபவ். கொள்ளைக்காரன் படத்தில் நாயகியாக நடித்த சஞ்சிதா ஷெட்டி இதில் ஹீரோயினாக நடிக்கிறார்.
இந்த இரண்டாம் பாகத்துக்கு பீட்சா 2 - தி வில்லா என்று பெயரிடப்பட்டுள்ளது. ஏப்ரல் மாதம் படம் தொடங்குகிறது. சந்தோஷ் நாராயணன் இசையமைக்கிறார்.
Continue with Google