Don't Miss!
- News தலைநிமிருது தருமபுரி.. அங்கே மலை உச்சியில் யாரு? கலெக்டர் சாந்தி? தர்மபுரி மலை கிராமம் குஷி.. சபாஷ்
- Technology WhatsApp-ல ஸ்டேட்டஸ் போடுறீங்களா? வருது புது அப்டேட்.. டபுள் சந்தோஷத்தில் பயனர்கள்.. என்ன மேட்டர் தெரியுமா?
- Automobiles வின்ஃபாஸ்ட் நிறுவனத்திற்கு அடித்த ஜாக்பாட்! தூத்துக்குடி ஆலையை திறப்பதற்கு முன்பே விற்பனையை துவங்க வாய்ப்பு!
- Finance தங்கம் விலை தடாலடி உயர்வு.. ஒரே நாளில் 450 ரூபாய் எகிறியது.. மக்கள் அதிர்ச்சி..!
- Sports IPL 2024 CSK : ருதுராஜ் கெய்க்வாட் உடன் ஓபனிங்கில் தல தோனி? சிஎஸ்கே அணியில் நடக்கப் போகும் ட்விஸ்ட்
- Lifestyle உடலின் இந்த பகுதிகளில் அடிக்கடி வீக்கம் ஏற்படுதா? அப்ப உங்க கல்லீரல் மோசமான நிலையில் இருக்குன்னு அர்த்தம்...
- Education கல்வித்தரத்தில் சமரசம் செய்துகொள்ள எம்ஓபி வைஷ்ணவ் மகளிர் கல்லூரி
- Travel தமிழ்நாட்டின் அரண்மனை கிராமம் இது தான் – தமிழர்கள் ஒவ்வொருவரும் கட்டாயம் பார்க்க வேண்டியம் இடம்!
பீஸ்ட் படத்துல ஷாருக்கும்... ஷாருக் படத்துல விஜய்யும் செய்யவுள்ள கேமியோ ரோல்கள்
சென்னை : நடிகர் விஜய் தற்போது பீஸ்ட் படத்தின் இரண்டாவது கட்ட படப்பிடிப்பில் வரும் ஜூலை 2ம் தேதி பங்கேற்கவுள்ளார்.
டூயட் பாடலுடன் இரண்டாவது கட்ட படப்பிடிப்பு சென்னையில் நடைபெறவுள்ளது. பூஜா ஹெக்டேவும் இதில் பங்கேற்கவுள்ளார்.
ஓடிடியில் ரிலீஸ் ஆகிறதா டாக்டர்? கொதிக்கும் ரசிகர்கள்.. தெறிக்கும் டிவிட்டர்! #DoctorOnlyInTheatres
இந்நிலையில் பீஸ்ட் படத்தில் பாலிவுட் பாட்ஷா ஷாருக்கான் முக்கிய கதாபாத்திரத்தில் தோன்றவுள்ளதாக கூறப்பட்டுள்ளது.
பிறந்தநாள் விருந்து
தளபதி விஜய் நடிப்பில் உருவாகி வருகிறது பீஸ்ட் படம். சமீபத்தில் அவரது பிறந்தநாளையொட்டி இந்த படத்தின் தலைப்பு மற்றும் சூப்பரான இரண்டு போஸ்டர்கள் வெளியிடப்பட்டு ரசிகர்களுக்கு பிறந்தநாள் விருந்து அளித்தன. இந்த போஸ்டர்களில் வித்தியாசமான இரண்டு விஜய்யின் போஸ்களை பார்க்க முடிந்தது.
சென்னையில் துவக்கம்
ஜியார்ஜியாவில் படத்தின் முதல்கட்ட படப்பிடிப்பு நடந்து முடிந்துள்ளது. ஸ்டண்ட் மாஸ்டர்கள் அன்பு மற்றும் அறிவின் மேற்பார்வையில் படத்தின் ஸ்டண்ட் காட்சிகள் அங்கு எடுக்கப்பட்டதாக தெரிவிக்கப்பட்டுள்ளது. இந்நிலையில் படத்தின் இரண்டாவது கட்ட படப்பிடிப்பு வரும் ஜூலை 2ம் தேதி சென்னையில் பாடல் காட்சியுடன் துவங்கவுள்ளது.
கேமியோ ரோலில் ஷாருக்
இதற்கென பிரமாண்டமான ஷாப்பிங் மால் செட் சென்னையில் போடப்பட்டுள்ளது. இதையொட்டி ஜூலை 1ம் தேதி படத்தின் நாயகி பூஜா ஹெக்டே சென்னை வரவுள்ளார். இந்நிலையில் நெல்சன் திலீப்குமார் இயக்கிவரும் இந்த படத்தில் பாலிவுட் பாட்ஷா ஷாருக்கான் கேமியோ ரோலில் நடிக்கவுள்ளதாக கூறப்பட்டுள்ளது.
ஷாருக் படத்தில் கேமியோ
ஆனால் கதைக்கு மிகவும் முக்கியமான ரோலாக அது இருக்கும் என்றும் கூறப்பட்டுள்ளது. இதேபோல ஷாருக்கான் மற்றும் அட்லி இணையும் பாலிவுட் படத்தில் விஜய் கேமியோ ரோல் செய்யவுள்ளதாகவும் தெரிவிக்கப்பட்டுள்ளது. திட்டமிட்டபடி இவை நடந்தால் இரண்டு தரப்பு ரசிகர்களுக்கும் அது மிகப்பெரிய ட்ரீட்டாக அமையும்.